Atv baholash

Konstruktiv-funksional omillar quyidagilarni o‘z ichiga oladi:

• 
  qurilish mashinasining qaysi turga tegishliligi;
  
• 
  kuzov tipi;
  
• 
  qurilish mashinasidagi o‘rindiqlar soni;
  
• 
  yuk ko‘taruvchanligi, dvigatelning tipi va quvvati;
  
• 
  bazaviy agregatlarning tavsiflari;
  
• 
  xavfsizlik vositalari bilan jihozlanganligi;
  
• 
  qo‘shimcha uskunalar bilan jihozlanganligi.
  

Ekspluatatsion omillar quyidagilarni o‘z ichiga oladi:

• 
  bosib o‘tgan masofasi va ekspluatatsiya muddati;
  
• 
  yo‘l va iqlim sharoitlari;
  
• 
  qurilish mashinasi ishini tashkil qilish;
  
• 
  saqlash shartlari.
  

Ushbu omillarning ta’siri qurilish mashinalarining eskirishiga olib keladi. Qurilish mashinasining kuchli eskirishi tufayli asl qiymati pasayishi mumkin, chunki baholash obyekti ta’mirga muhtoj yoki unda ta’mirlash ishlari olib borilganligi qurilish mashinasining texnik holati to‘g‘risida ma’lum fikr shakllanishiga yordam beradi. Shuning uchun, bosib o‘tgan masofasi va ekspluatatsiya muddati qancha qisqa bo‘lsa, baholash vaqtida qurilish mashinasi qiymati shuncha yuqori bo‘ladi.
Qurilish mashinalarini baholash mezonlari obyektiv va eng aniq baholash natijalarini olish uchun belgilanadi. Ular baholash bo‘yicha mutaxassisga barcha muhim tafsilotlarni hisobga olishga va aniq qaror qabul qilishga yordam beradi.
Qurilish mashinasi qiymatiga ta’sir qiladigan baholash mezonlarining aniq ro‘yxati baholovchining o‘zi tomonidan belgilanadi. Biroq, har qanday avtotransport vositasini baholashda hisobga olinishi kerak bo‘lgan parametrlar mavjud. Ular qatoriga marka, ishlab chiqarilgan yili, bosib o‘tgan masofasi va boshqalar kiradi.
Qurilish mashinalarini baholashning barcha mezonlarini shartli ravishda bir necha guruhga bo‘lish mumkin:

• 
  asosiy parametrlar;
  
• 
  texnik holati;
  
• 
  komplektatsiya;
  
• 
  qo‘shimcha qulayliklar va boshqalar.
  

Baholash hisob-kitoblarini amalga oshirayotganda, mutaxassis mezon sifatida tanlangan har bir punktiga ma’lum miqdordagi ballarni belgilaydi. Qurilish mashinasini baholashdan so‘ng, qurilish mashinasining baholash topshirig‘ida ko‘rsatilgan bozor yoki boshqa qiymatini aniqlash uchun belgilangan barcha ball yig‘iladi.