Атамалар рўйхати Автоматик назорат

Қисқа туташув токи – қисқа туташув вақтида йўл қўйиладиган токдан кўп марта катта бўлган ток ҳосил бўлади. Шу ток қисқа туташув токи дейилади.
Қисқа тутуташув – хар хил потенциалли икки симнинг (қисқичнинг) бевосита ёки жуда кичик қаршилик орқали бир-бирига уланиб қолиш Қ.т. дейилади.
Кнопка – турли электр асбоб ва қурилмаларда токни улаш учун бош бармоқ билан босиладиган тугма.
Коллектор – 1).Электр машиналарнинг электр токи йўналишини тўғриловчи қисми; 2). Электроникада транзисторнинг четки қаватларидан бири. Лампадаги анод бажарган ишни транзисторда коллектор бажаради.
Коммутация – электр занжирларининг узилиш-уланиш каби ўтиш жараёнларидаги ток ва кучланишлар ўзгариши ҳамда улар билан боғлиқ бошқа жараёнлар.
Коммутация аппарати – электр қурилмаларини бошқариш учун ишлатилади ва уларга улаб узгичлар, рубильниклар, контакторлар, магнтили ишга туширгичлар ва ш.к. лар киради.
Компенсатор – ток кучи, кучланиши ва ЭЮК ларни компенсация усули билан ўлчайдиган электр ўлчаш асбоби.
Компенсация – ташқи таъсир остида электр ўлчаш асбоблари, электр машина ва механизмлар ишидаги нормал ҳолатдан оғишларни йўқотиш.
Комплект тақсимлаш қурилмаси – ичига керакли электр ускуналар ўрнатилган алоҳида ёпиқ металл шкафлардан иборат бўлган тақсимлаш қурилмалари.
Комплект тақсимлаш подстанцияси – ичига битта ёки иккита трансформатор ўрнатилган ва рубильниклар, улаб узгичлар ҳамда ҳимоя аппаратлари билан жиҳозланган подстанция.
Конденсатор – электр зарядини тўплаш ва сақлаш учун хизмат қиладиган, диэлектрик билан ажратилган иккита ёки бир неча ўтказгич пластиналар (электродлар) дан иборат қурилма.
Конденсатор батареяси – конденсаторларнинг сиғимини ўзгартириш ёки уларнинг кучланишини электр тармоғидаги кучланишга мослаш керак бўлган ҳолларда конденсатор батареяси тузилади.
Конденсатор сиғими – конденсатор қопламаларидан биридаги заряд миқдорининг ўша қопламалар орасидагикучланишга нисбати билан ўлчанадиган катталик.