Атамалар рўйхати Автоматик назорат

Атамалар рўйхати
Автоматик назорат – автоматиканинг ишлаб чиқариш жараёнидаги айрим босқичларни одам иштирокисиз назорат қилиш усулларини ва воситаларини ўз ичига олган тармоқ.
Автоматик ростлаш – машиналар, аппаратлар ва қурилмалар ишининг одам иштирокисиз берилган параметрининг бир текис ушлаб турилиши ёки бошқариб турилиши.
Автоматик ҳаво узгич – кучланиши 500 В гача бўлган қурилмаларда ишлатилади. Улар рубильниклар ва сақлагичлар вазифасини ҳам ўтайди.
Автопотенциометр – ток кучи, кучланиш ва ЭЮКларни таққослаш йўли билан ўлчайдиган автоматик асбоб.
Автостабилизатор – электр токини автоматик равишда турғун ҳолатда сақлаб турадиган асбоб.
Автотрансформатор – берк занжирли пўлат ўзакка ўралган бир чўлғамли трансформатор бўлиб, у ўзгарувчан ток кучланишини кучайтириш ва пасайтириш учун ишлатилади.
Ажратгич – (разъединитель) - ток бўлмаганда ёки ток кучи номиналдан анча кичик бўлганда юқори кучланишли двигател ёки бошқа электротехника қурилмаларини электр тармоғига улаш ёки узиш учун қўлланилади.
Аккумулятор – электр энергиясини кимёвий энергияга айлантириб ўзида сақлайдиган ва аксинча кимёвий энергияни электр энергиясига айлантириб берувчи, ўзгармас ток манбаи сифатида ишлатиладиган галваник элемент.
Актив қаршилик – электр занжиридан ток ўтганда занжи р бу токка шундай қаршилик кўрсатадики, уни енгишда токнинг бажарган иши ҳисобига фақат иссиқлик ажралиб чиқадиган бўлса, бундай қаршилик А.қ. дейилади.
Актив қувват – бир давр ичида ўзгарувчан токдан ҳосил бўлган фойдали ишнинг ўртача қиймати. А қ. Р ҳарфи билан белгиланади.
Актив кучланиш – электр занжирининг актив қаршилиги Rда юзага келадиган кучланиш.
Актинометр – қуёш радиацияси жадаллигини ўлчайдиган метеорологик асбоб. У стрелкали галванометр билан биргаликда ишлайди.
Алмашлаб улагич - Электр токининг йўналишини ўзгартирувчи қурилма.Мас. диапозонлар алмашлаб улагичи, симобли алмашлаб улагич.
Ампер – электр ток кучининг ўлчов бирлиги бўлиб, ўтказгичнинг кўндаланг кесимидан 1 секундда 1 кулон электр заряди ўтса, ўтказгичдаги ток 1 А га тенг бўлади.