Атамалар рўйхати Автоматик назорат

Гидроэлектростанция (ГЭС) – сув оқими энергиясини электр энергиясига айлантирадиган гидротехника иншоотлари ва энергетика жихозлари мажмуи.
Гилберт – МЮК ва магнит потенциаллар айирмаси бирлиги, (Гб).
Гистерезис – ташқи куч таъсирида жисмда пайдо бўладиган “қолдиқ” хосса. У магнитли, диэлектрик ва эластик турларга бўлинади.
Датчик – ўлчаш, назорат қилиш, ёки ростлаш қурилмаларининг муҳим қисми; сезгир элементи билан текширилаётган катталиклар таъсирини сезади.
Диод – икки электродли электрон лампа. Бир томонлама ўтказувчанлик хусусиятига эга. Диод токни тўғрилаш, токни чегаралаш ва частотани ўзгартириш учун қўлланилади.
Диэлектрик – электр токини ўтказмайдиган материал ёки изолятор. Уларга чинни, эбонит, кварц, слюдалар киради.
Дроссель – маълум частотадаги токларни ўтказиб, бошқа частотадаги токларни тутиб қоладиган ғалтак. У кучланишни тежаш вазифасини ҳам бажаради.
Ерга улагич – (заземлитель) – ерга улаш қурилмасининг асосий элементи. У ерга бевосита уланган ётиқ ва тик ўтказгичлар тизимидан иборат бўлиб, нормал ҳолатда ток бўлмайдиган қисмлардаги токни ерга ўтказиб юбориш учун ишлатилади.
Ерга улаш – (Заземление) – электр машинаси, трансформатор ва шу каби электротехник қурилмаларнинг бирор қисмини ер билан туташтириш.
Ёритилганлик – бир текис ёритилаётган сирт бирлигига тўғри келадиган ёруғлик оқими.
Ёруғлик кучи – ёруғлик оқимининг фазовий зичлиги фазовий бирлигига тўғри келувчи ёруғлик оқими билан аниқланади. Унинг ўлчов бирлиги Кандела бўлиб, қисқача Кд кўринишида ёзилади.
Жоуль – СИ да иш (энергия) ўлчов бирлиги. Ўзгармас токнинг бажарган иши Жоулда ўлчанади. 1ЖҚ1А*1В*1сҚ1Вт*с.
Жоуль-Ленц қонуни – ўтказгичдан электр токи ўтганда ажраладиган иссиқлик миқдорини аниқловчи қонун. Ажралиб чиқаётган иссиқлик миқдори ток квадратига, ўтказгич қаршилигига ва ток ўтиб турган вақтга тўғри пропорционал. Бу қонунни 1841 йилда инглиз олими Ж.Жоуль ва рус олими Э.Х. Ленц тажрибада аниқлашган. QҚI² * R * t ;
Заряд. 1)-заррачаларнинг элеткромагнит майдони билан ўзаро таъсирлашиш энергиясини ифодалайдиган катталик. Бирлиги Кулон. 2)-электрланган жисмдаги электр миқдори.