Атамалар рўйхати Автоматик назорат

Вакуумли насос – берк идишдаги ҳаво, буғ ёки газни сўриб вакуум ҳосил қилувчи қурилма.В.н. лари фотоэлементлар, электрон микроскоплар, юқори вольтли осциллографлар ва циклотронлардан, вакуумли лампалар, рентген ва телевизион трубкалар тайёрлашда қўлланилади.
Вакуумли узгич – юқори кучланишли электр узгич унда юқори вакуум 1 – 1.1 МПа (10^-5 – 10^-6 мм см. устуни) да ёй сўнади. В.у. асосан юқори кучланишли занжирларда токни узиб-улаш учун қўлланилади.
Вакуумметр – сийраклашган газ босимини ўлчайдиган асбоб.
Вар – амалдаги электр кучланиши қиймати 1В, ток кучи қиймати 1 А ва sinfҚ1, бўлгандаги реактив қувват бирлиги.
Варикап – сиғими кучланиш қийматига боғлиқ бўлган ярим ўтказгичли диод.
Вариометр - 1) магнит майдоннинг вақт бўйича ўзгаришини ўлчайдиган асбоб. 2) радиоаппаратлари занжиридаги индуктивлиги текис ўзгартирувчи асбоб. 3) ер магнитизми каби физик омилларнинг ўзгаришини кузатадиган асбоб.
Ватт – ҳалқаро бирликлар системасида қувватнинг ўлчов бирлиги. 1 Вт 1секундда 1Ж электр энергияси ишлаб чиқарадиган генераторнинг қувватига тенгдир.
Ваттметр – электр занжири қувватини ўлчайдиган асбоб. Ваттметрнинг электродинамик, ферродинамик, индукцион, электростатик ва иссиқлик қонун қоидалари асосида ишлайдиган турлари бор.
Ватт-соат – СИ да иш ёки энергия ўлчов бирлиги; қуввати 1 Вт бўлган механизм (мотор) нинг 1 соатда бажарган ишига тенг.
Вебер – СИ да магнит оқимининг ўлчов бирлиги. Махсус контурда 1 секундда 0 гача бир текис камайганида 1 В ЭЮК индукциялайдиган магнит оқими 1 Вебер деб олинади.
Вентилли эелектр юритма - электр моторларни электр билан таъминлаш ва айланиш частотасини ростлаш учун бошқариладиган электр вентилли ўзгартгичлар қўлланилган электр юритма.
Вентиль – токни факат бир томонга ўтказиш хоссасига эга бўлган асбоблар.
Виброўзгарткич – паст кучланишли ўзгармас токни юқори кучланишли ўзгармас токка айлантирадиган электромеханик қурилма. Ҳ.в да виброўзгарткич ўрнига кўплаб ярим ўтказгичли ўзгарткичлар қўлланилади.