Атамалар рўйхати Автоматик назорат

Логометр – бурилиш бурчаги токларнинг нисбатига боғлиқ бўлган ўлчаш қурилмаси.
Люмен – ёруғлик оқимининг ўчлов бирлиги бўлиб у ёруғлик кучи 1 шам бўлган манбадан 1 стерадианга тенг фазовий бурчак остида чиқаётган ёруғлик оқими. Кўпинча люмен қисқача қилиб Лм кўринишида ёзилади.
Люминесценция лампаси – газразрядли ёруғлик манбаи. Ишлаши электр разрядининг ультрабинафшаранг нурлари таъсирида люминофорларнинг ёруғлик сочишига асосланган. Л. л. чўғланма лампага қараганда ёруғликни яхшироқ ажратади, натижада камроқ қувват сарфлади.
Магнетизм. 1) Магнит ҳодисалари ва жимсларнинг магнит хоссалари ҳақидаги таълимот. 2 Электр токларининг ўзаро таъсири, токлар ва магнитлар ёки магнит моментига эга бўлган жисмлар орасидаги мавжуд ўзаро таъсир жараёнида содир бўладиган ҳодисалар.
Магнит доимийси –Ваккумнинг абсолют магнит сингдирувчанлиги М. д. деб аталади ва μ₀.Қ4π*10^-7Г/м
Магнит индукцияси – Магнит майдоннинг ҳар бир нуқтаси М. и. деб аталадидиган вектор катталик билан характерланади. М и В ҳарфи билан белгиланади.
Магнит майдон – электромагнит майдон намоён бўлишининг бир кўриниши бўлиб, шу билан фарқ қиладиқи, у ҳаракатдаги электр билан зарядланган зарра ва жисмларга, токли ўтказгичларга ҳамда магнит моментига эга бўлган зарра ва жисмларгагина куч билан таъсир қилади.
Магнит окими - Магнит индукцияси В нинг магнит индукцияси векторига перпендикуляр бўлган S юзага кўпайтмаси М.о.деб аталади ва Ф харфи билан белгиланади. М.о.нинг бирлиги вебер бўлиб қисқача Вб кўринишида ёзилади.
Магнитли ишга туширгич – электр моторлар ва бошқа электр истеъмолчиларини электр тармоғига масофадан улаб узадиган, уларни ортиқча токдан ҳимоя қиладиган контактор ва тугмалардан ташкил топган бошқарувчи қурилма.
Магнитли кучайтиргич – кичик қувватли ўзгармас ток воситасида катта қувватли ўзгарувчан токни бошқариш қурилмасидир. М.к. лар автоматика бошқариш тизимларида, аниқ ўлчаш асбоблари ва бошқа соҳаларда ишлатилади.