Атамалар рўйхати Автоматик назорат

Сатҳ датчиги – суюқлик сатҳи баландлигини даражасини электр сигналга айлантирадиган қурилма.
Сезгир элемент – бирламчи ўзгарткич ёки ўлчаш асбобларининг бир қисми бўлиб, ҳар хил физик катталикларни ўлчаш ёки бошқариш қурилмаларининг талабларига мос келадиган катталикка ўзгартириб беради.
Селектор – маълум ўзгармас ток импульсларини сезадиган электромеханик қурилма. Телефон аппаратлари параллел уланган абонентлар билан диспетчерлик пункти орасидаги алоқа ўрнатишда ва бошқаларда ишлатилади.
Селен – электр ўтказувчанлиги нур таъсирида ошиб борадиган модда. У оптик ва электр сигнал асбоблари, термоэлементлар ва телевизорларда ишлатилади.
Сигнал – бирор маълумот, буйрўқ ёки хабарни узоқ масофага ёки кўпчилика етказиш учун қўлланиладиган шартли белги .
Сименс – электр ўтказувчанлик бирлиги бўлиб, См тарзда белгиланади. 1 См электр занжирининг қаршилиги 1Ом бўлган қисмининг электр ўтказувчанлигига тенг.
Симобли тўғрилагич – симобли вентил ёрдамида ўзгарувчан токни ўзгармастокка айлантирадиган қурилма.
Синхрон двигател – роторининг айланиш частотаси ва йўналиши статордаги токдан ҳосил бўлган айланувчи магнит майдоннинг айланиш частотаси ва йўналиши билан бир хил двигател.
Синхрон машина – роторининг айланиш частотаси ва статордаги токдан ҳосил бўлган айланувчи магнит майдоннинг айланиш частотаси бир хил бўлган уч фазали ўзгарувчан ток машинаси.
Сочилиш магнит оқими - Магнит оқимининг фақат қандайдир бирор чулғам ўрамлари атрофидаги чизиқлари туташадиган қисми С.м.о. дейилади ва Ф билан белгиланади.
Стабилизатор – электромеханика, радиоэлектроника ва бошқа соҳаларда ишлатиладиган асбоб ва қурилмаларнинг нормал ишлаши учун ток кучини ёки кучланишини автоматик равишда бир текис ушлаб турадиган қурилма, мослама ёки аппарат .
Стартер – 1. Ички ёнув двигателини ишга тушириш қурилмаси. 2. Ёруғлик техникасида люминесцент лампаларни ёқиш қурилмаси.
Статор – электр машиналарда айланувчи магнит майдон ҳосил қилувчи чўлғамлар ўрнатилган ўзак ҳаракатсиз тургани учун у статор деб аталади. Умуман электр машинанинг қўзғалмас қисми.