Атамалар рўйхати Автоматик назорат

Электр токининг магнит майдони – ўтказгичларда оқаётган электр токи ёки электр билан зарядланган жисмларнинг ҳаракати туфайли юзага келган ток ҳосил қилган магнит майдон.
Электр узатувчи ҳаво линияси (ЛЭП) – ер устига ёғоч, металл, темир-бетон таянчлар ўрнатиб, уларга изолятор ёрдамида сим тортиб ҳосил қилинадиган электр узатиш линияси.
Электр ўтказувчанлик – 1) электр қаршиликка тескари катталик бўлиб, И тизимида ўлчов бирлиги сименс См. 2) вақт давомида ўзгармайдиган электр майдон таъсирида модданинг ўзидан ўзгармас ток ўтказиш хусусияти.
Электр энергия манбаи – электр станциясида ўрнатилган уч фазали синхрон генераторлар, аккумулятор батареялари, кўчма электр станциялар ва бошқалар.
Электр энергияси – электр токининг энергияси. Масалан истеъмолчининг қуввати Р бўлса, t вақт ичида у сарфлаган энергия W=P*t бўлади. Унинг бирлиг ватт*соат, кВт*с, бўлиб электр ҳисоблагичлар ёрдамида ўлчанади.
Электр юклама – электр энергияси манбаи ва ундаги электр токининг ҳосил қиладиган ҳақиқий қуввати. Электр энергия истеъмолчилари, мас, .. қаршиликлар, лампалар, двигателлар ва бошқалар.
Электр юритма – электр мотор ва унинг харакатини ишчи механизмга узатувчи механик қурилмадан (редуктор ёки узатмалар қутиси) ҳамда бошқарувчи электр аппаратларидан иборат қурилмалар мажмуи.
Электр юритувчи куч (ЭЮК) – галваник элементларда ҳосил бўладиган потенциаллар айирмаси ЭЮК дейилади.
Электролиз – электролит орқали электр токи ўтганда электродларда электролит таркибий қисмларининг ажралиб чиқиш жараёни. Электролиз мис олишда қўлланилади.
Электролит – моддаларнинг қисман ёки тўлиқ ионлардан ташкил топган эритмалари ёки суюлтирилган ҳолдаги моддалар.
Электромагнетизм – электротехниканинг электр токи вужудга келтирадиган магнит ҳодисаларини, магнит майдон билан электр токи орасидаги боғлиқликларни, моддаларнинг магнитланиши ва уларнинг турларини ҳамда уларни амалда қўллаш усулларини ўрганувчи бўлими.
Электромагнит – 1. Сунъий магнит бўлиб, ферромагнит ўзак устига изоляцияланган симдан ўралган чўлғамдан электр токи ўтганда пайдо бўладиган ферромагнит ўзакда тўпланиб кучли магнит ҳосил қиладиган қурилмадир. 2. Ток билан таъминланиб турадиган ферромагнит ўзакли қўзғалмас ғалтак ва қўзғалувчи пўлат якордан иборат қурилма.