Атамалар рўйхати Автоматик назорат

Электромагнит индукция қонуни – магнит майдон куч чизиқларини бирор тезлик билан кесиб ўтаётган ўтказгич учларида ҳосил бўлган ЭЮКнинг қиймати магнит индукцияси В га, ўтказгич узунлиги l га ва унинг ҳаракат тезлиги υ га тўғри прпопорционал: EҚB l υ;
Электромагнит реле – кичик электр токи билан ҳаракатга келтириладиган, ўзининг контакт пружиналари билан каттароқ қувватли электр занжирларини уловчи ва узувчи қисм.
Электромагнитли узгич – ёйни сўндириш учун мой ҳам, сиқилган ҳаво ҳам ишлатилмайдиган узгич. Улар 6-10 кВ кучланишга, 3200 А гача номинал токка ва 40 кА гача узиш токига мўлжаллаб ишлаб чиқарилади.
Электрон асбоб – электр токи фақат электронларнинг ҳаракати билан боғлиқ бўлган юқори вакуумли асбоб (электрон лампалар, электрон нур трубкалари).
Электрон кучайтиргич – бир ёки бир неча электрон лампаси бўлган ва жуда кичик кучланишларни ташқи манба энергияси ҳисобига бир неча минг мартагача кучайтириб берадиган қурилма.
Электрон нур трубкаси – электр-вакуумли асбоб бўлиб, унда ёруғлик индикацияси, коммутацияси учун ва бошқа мақсадларда ингичка электрон нурдан фойдаланилади.
Электроника – электротехниканинг электрон, ион ва яримўтказгичли асбобларнинг тузилиши, ишлаш принципи ҳамда уларнинг фан, саноат ва техниканинг турли йўналишларида қўлланилиши билан шуғулланадиган мустақил соҳаси.
Электростатика – физиканинг ҳаракатсиз электр зарядлари майдонини ва уларнинг ўзаро таъсирини ўрганадиган бўлими.
Электротехника – электр энергиясидан амалий мақсадларда фойдаланиш ҳақидаги фан, шунингдек электр энергиясидан хўжаликнинг ҳама соҳаларида, турмушда, ҳарбий мақсадларда фойдаланишни амалга оширадиган техника соҳаси.
Эрувчан сақлагич - қурилмани қисқа туташиш токларидан химоя қилувчи қу4рилма. Осон эрийдиган металлардан ясалган сим, ўзак ёки пластинадан иборат бўлиб, кучланиши 500 В гача бўлган қурилмаларда ишлатилади.
Эталон – фан ва техниканинг муайян ҳолатидаги энг юқори аниқлик даражасига эришилган ўлчов бирликларини қайта тиклаш, сақлаш ва тарқатиш учун хизмат қиладиган намуна ўлчовлар ҳамда ўлчов асбоблари. Метрологик вазифасига қараб эталонлар бирламчи, иккиламчи, махсус давлат эталонлар, солиштирма эталон, ишчи эталон ва эталон нусхаларга бўлинади.