Атамалар рўйхати Автоматик назорат

Реверсив мотор – иш шароитига қараб, айланиш ўқининг айланиш йўналишини ўзгартириш мумкин бўлган мотор.
Резистор – токни ва кучланишни чеклаш ва уларни ростлаш учун электр занжирига уланадиган қурилма. Резистор саноатда радиоэлекроника қурилмалари ва бошқаларда қўлланилади.
Резонанс – маълум шароитда жисмнинг мажбурий тебранишлари амплитудаси кескин ошиб кетиши резонанс дейилади. Резонанснинг магнит резонанси, кучланишлар резонанси, ток резонанси турлари мавжуд.
Реле – бирор қурилма ёки жараён параметрларининг қиймати ёхуд йўналиши ўзгаришини сезадиган ва кичик қувватли импульс билан ижро этиш механизмига таъсир қиладиган аппарат. Назорат қилинадиган параметрларга қараб акустик, вақт, ҳимоя, механик, оптик, иссиқлик, электромагнит релеларига ва бошқа турларга бўлинади. Реле энергетика , алоқа, сигнализация, телемеханика ва автоматика соҳаларида кенг қўлланилади.
Релели ҳимоя – авария режимларида электр ускуналар, электр узатиш линиялари ва электр тармоқларини ҳимоя қилишга мўлжалланган электр қурилмалар мажмуи.
Реостат – электр занжиридаги ток кучи ёки кучланишни ростлашга мўлжалланган аппарат. У асосан актив қаршиликдан иборат бўлиб, қаршиликни равон ёки поғонали ўзгартириши мумкин.
Реохорд – электр асбо бўлиб, қаршилик, кучланиш, ЭЮК ларни ўлчашда ишлатилади ва автоматика, телемеханика тизимларида қўлланилади.
Робот – мураккаб бўлган ҳар қандай ишларни худди одамдек бажарадиган автомат, машина-одам. Роботлар аввалдан киритилган дастур бўйича ишлайди ёки автоматик бошқариш тизими билан жиҳозланади.
Розетка – электр асбобларни электр тармоғига улаш учун электр вилкаси тиқиладиган икки тешикли мослама. Уйларда ўзгарувчан ток манбаи.
Ростлагич – механизмнинг бир текис ишлашини таъминлайдиган ёки электр токи, кучланиш, ҳарорат, босим, тезлик ва шу кабиларни бир хилда сақлаб турадиган қурилма.
Ростлаш – бирор техник жараённинг аввалдан белгиланган режимда бажарилишини таъминлашга қаратилган тадбир.
Ротор – электр машиналарнинг айланадиган қисми. Одатда, статор ичига жойлаштирилади. Роторга ўралган чўлғамнинг магнит майдони статор чўлғамининг магнит майдони билан таъсирлашиб электр юритувчи куч ҳосил қилади.
Рубилник - электр энергиясиистеъмолчиларини ўзгармас ва ўзгарувчан ток занжирларига қўлда улаш учун ишлатиладиган пичоқсимон қўзғалувчан контактли қурилма. Рубилниклар 500 В гача кучланиш ва 1000 А гача токларда ишлатилади.