Атамалар рўйхати Автоматик назорат

Монтаж схемаси – бирор қурилма, аппарат ва шу кабиларнинг элементлари қандай тартибда ўрнатиладиган схема.
Монтёр – электрмонтаж ишлари билан шуғулланадиган мутахассис. Монтёр электр машиналар, линиялар ва бошқаларни йиғади, ўрнатади, монтаж қилади, хонадон, корхона ва қишлоқларни электрлаштиришда қатнашади, электр тармоқларини кузатиб юради, ремонт қилади ва электр билан боғлиқ бўлган бошқа ишларни бажаради.
Мотор - энергиянинг бирор турини механик энергияга айлантириб берадиган машина, двигатель. Электр двигател ёки ички ёнув двигателининг иккинчи номи.
Мотор (двигател) – бирор турдаги энергияни механик энергияга айлантирувчи машина. М: электр мотор электр энергиясини механик энергияга айлантирувчи машинадир.
Назорат – бу турли физик катталик ва параметрларнинг ўзгаришини, электр машина ва ускуналар аҳволини ва шу кабиларни доимо кузатиб туриш демакдир.
Назорат-ўлчаш асбоблари – турли физик катталик ва параметрларни ўлчаш ва назорат қилишда фойдаланиладиган асбоб. Унинг таққословчи ва кўрсатувчи турлари бор.
Намуна асбоблар – бирликни сақлаш ёки қайта тиклаш учун, шунингдек, асбобларни текшириш ва даражалаш учун мўлжалланган ўлчовлар ҳамда асбоблар.
Нол симга улаш-(зануление) – электр истеъмолчиларнинг металл корпусини ток манбаининг ерга уланган нуқтасидан тортилган симга , яъни нол симга улаш.
Нолли ҳимоя – магнитли ишга туширгич билан бошқариладиган двигателда кучланиш нол ёки нормадан анча кам бўлса, двигател автоматик тарзда тўхтайди.
Ом – ўтказгичнинг электр қаршилиги бирлиги бўлиб, немис олими Георг Ом шарафига қўйилган. Ўтказгичдан ўтаётган ток кучи 1А ва унинг учларидаги кучланиш 1В бўлганда унинг қаршилиги 1 Ом га тенг бўлади.
Ом қонуни – ўтказгичдан ўтаётган ток кучи унинг кучланишига тўғри, қаршилигига тескари пропорционал, яъни қаршилик қанча катта бўлса, ток кучи шунча кичик бўлади. I=U/R;
Омметр – электр қаршилигини бевосита ўлчаш асбоби.
Осциллограф – электр токи ёки кучланишнинг вақт бўйича ўзгаришларни ёзиб ёхуд кузатиб боришга, ҳар хил электр катталиклар: кучланиш, ток кучи, ток частотаси, фаза силжишини, импульсларнинг такрорланиш давомийли ва частотасини ўлчашга мўлжалланган асбоб.