Атамалар рўйхати Автоматик назорат

Амперметр – ток кучини ўлчайдиган асбоб.
Амплитуда қиймати – катталикнинг давр ичидаги энг катта қиймати унинг максимал қиймати ёки А.қ. дейилади.
Амплитуда-частота характеристикаси – алоқа канали, кучайтиргич ва электр занжирларининг иш сифатини кўрсатувчи, амплитуданинг частотага қараб ўзгаришини кўрсатади.
Анионлар - манфий зарядланган ионлар. Улар электр майдонда мусбат электрод (анод) томон харакатланади.
Анод – галваник элемент ёки электр аккумулятори, электролитик ваннанинг мусбат қутби. Катоддан чиқаётган манфий ионлар Анодга томон харакат қилади.
Анод батареяси – электрон лампаларнинг анод занжирларини таъминлаш учун хизмат қиладиган, ўзаро уланган бир неча галваник элемент ёки аккумуляторлар мажмуи.
Анод занжири – анод, галванометр, анод батареяси ва катоддан иборат занжир.
Анод кучланиши – электрон лампа анодига тегишли мусбат потенциал ҳосил қиладиган кучланиш.
Анод токи – лампа электродлари орасида электр майдон ҳосил қилинганда, бу майдон таъсирида электронлар катоддан анодга қараб силжийди ва анод токини ҳосил қилади. Бу токнинг йўналиши электронларнинг харакат йўналишига тескари бўлади.
Аппарат – муайян бир ишни бажариш учун хизмат қиладиган асбоб, механизм.
Аппаратура – муайян ишни бажарувчи аппаратлар ёки лаборатория, цех ва корхона аппаратлари, асбоблари мажмуи. Мас: бошқариш аппаратураси, радио аппаратураси ва бошқ.
Ареометр – суюқликнинг зичлигини (солиштирма оғирлигини) ўлчайдиган ёки суюқликда эриган модданинг фоиз % миқдорини аниқлайдиган асбоб.
Арматура – электротехникада А. жумласига патронлар, улаб узгичлар, розеткалар ва бошқ киради.
Асбест – ўтга чидамли, иссиқлик ва электр ўтказмайдиган толали минерал материал.
Асбоб – ўлчаш, назорат қилиш, ускуналарни ҳимоя қилиш, машина ва ускуналарни бошқариш, технологик жараёнларни ростлаш ва бошқаришга мўлжалланган қурилмаларнинг умумий номи.