Атамалар рўйхати Автоматик назорат

Влагомер – намликни ўлчайдиган асбоб.
Вольт – ЭЮК, потенциаллар айирмаси, электр потенциал ва кучланишларнинг ўлчов бирлиги. Вольт электр майдоннинг икки нуқтаси орасида 1 К заряд кўчганда 1 Ж иш бажарадиган потенциаллар айирмаси.
Вольтметр – электр токи кучланишини ўлчайдиган асбоб. Унинг магнитоэлектрик, электромагнит, электродинамик, иссиқлик ва тўғрилагичли хиллари бор. У занжирга параллел уланади.
Газ разряди – газ орқали электр токи ўтиши ҳодисаси.
Газотрон – ўта сийрак газ муҳитида ёй разряди ҳосил қиладиган электр вакуумли ион асбоб.
Газсимон диэлектрик – ҳаво, водород, карбонат ангидрид, азот ва инерт газлар: аргон ва неон кабилар.
Галваник элемент – кимёвий энергияни электр энергиясига айлантирувчи қайтмас жараёнлар юз берадиган кимёвий ток манбалари.
Гальванометр – 1*10^-6 А дан кичик токни ўлчашга мўлжалланган асбоб. Ишлаши электр майдон билан магнит майдоннинг ўзаро таъсирига асосланган. Ўзгарувчан ва ўзгармас токларда ишлатилади.
Генератор – механик энергиясидан электр энергияси ишлаб чиқарадиган ёки энергияни бир турдан иккинчи турга айлантирадиган қурилма, аппарат ёки машина.
Генератор чўлғамини юлдуз усулида улаш –генератор чўлғамлари X ,Y, Z учларини бир нуқтада туташтириш.
Генераторнинг нол нуқтаси – генератор чўлғамлари юлдуз усулида уланганда X, Y, Z учлари бир нуқтага туташтирилади. Мана шу нуқта генераторнинг нол нуқтаси дейилади.
Генри – СИ даги индуктивлик ва ўзаро индуктивликнинг бирлиги. Контурдаги ток 1 А га ўзгарганда 1 секундда берк занжирда 1 В ўзиндукция ҳосил қиладиган индуктивлик.
Гептод – катод, анод ва бешта тўрдан иборат бўлган 7 электродли электро лампа.
Геркон – герметик ва контакт сўзларининг 1-бўғинларидан тузилган бўлиб, телефон техникасидаги реле. Ҳавоси сўриб олинган шиша найча ичида бир-бирига параллел ўрнатилаган магнит пластиналаридан иборат.
Герц – даврий жараён, яъни тебраниш частоталарининг ўлчов бирлиги. Ўзбекистонда стандарт частота 50 герц (Hz) ни ташкил этади.