Атамалар рўйхати Автоматик назорат

Блок – машиналарнинг бир қанча бир хил қисмларидан тузилган қурилмаси.
Блокировка – машина ёки аппаратларнинг иш қисмлари маълум вазиятда сақланишини таъминловчи усуллар ва воситалар йиғиндиси.
Блок-контакт – бошқарув ёки сигнал қурилмаларининг электр занжирларини коммутацияловчиқурилма. Контактлар, магнит ишга туширгичлар, юқори кучланишли узгич ва шу кабилар Блок-контакт билан таъминланади. Блок-контакт кучланиши 220 В гача ва ток кучи 5-20 А бўлган электр занжирларида ишлатилади.
Блок-контактор - сигнализация ва бошқариш занжирларини коммутацияловчи аппарат. Б.к. да блок-контактларнинг бир неча гурухи бўлади. Б.к. ёрдамида ток кучи 20 А гача бўлган ўзгармас ёки ўзгарувчан ток занжирларини улаб-узиш мумкин.
Босим датчиги – газ, суюқлик ва шу кабилар босимини электр сигналлар ва бошқа турдаги сигналларга айлантирадиган ўлчов ўзгарткичи.
Бошқариш аппаратлари – электр юритмали моторларни ишга тушириш, айланиш частотасини ростлаш, уни ўзгартирмай сақлаш, моторларни тўхтатиш ва реверслаш каби ишларни бажарадиган қурилмалар.
Бошқариш калити – бошқариш пултида бошқариш ва сигнализация контактларини улаш ва узиш учун қўлланиладиган мослама.
Бошқариш пульти – энергетика, саноат, транспорт, ҳисоблаш машинаси ва бошқа обьектларнинг бошқариш қисмлари, сигнал кучайтиргичлари, назорат-ўлчаш асбоблари ўрнатилган стол, стенд ва шу кабилар. Бошқариш пултини операторлар бошқариб, кузатиб турадилар.
Бошланғич фаза - t=0 даги фаза. Масалан: Электр тармоғига заряд беришдан олдинги фаза.
Вақт релеси – реле ўзгарувчан ва ўзгармас токда ишлайди ҳамда ҳимоя қилиш ва бошқариш вазифаларини бир онда ёки бир оз вақт ўтказиб бажариши мумкин. Вақт релеси электр, магнит, механик, электромеханик,термик, гидравлик ва пневматик хилларга бўлинади.
Вакуумли конденсатор – диэлектрик ўрнида вакуум қўлланилган электр конденсатор.
Вакуумли лампа – қолдиқ босими 10-1 мПа (10^-4 – 10^-5 мм см. устуни) бўлганга қадар ҳавоси сўриб олинган ҳолда колба ичига қизиш жисми жойлаштирилиб тайёрланган чўғланма лампа.