Атамалар рўйхати Автоматик назорат

Электр майдон кучланганлиги - электр майдоннинг электр билан зарядланган зарралар ва жисмларга таъсирини ифодалайдиган вектор катталик. Е ҳарфи билан белгиланади, бирлиги В/м.
Электр машина кучайтиргичи – бошқариш чўлғамларига узатилаётган сигнал қувватини бирламчи двигатель энергияси ҳисобига кучайтирадиган ўзгармас ток генератори.
Электр подстанция – электр станциясидан узатилаётган электр энергияси параметрларини ўзгартириш қурилмаси. Вазифасига қараб электр подстанциялар трансформаторли, ўзгарткичли ва тақсимлаш подстанцияларига бўлинади.
Электр разряди – электрланган жисмларнинг ташқи таъсир натижасида зарядини йўқотиши (зарядсизланиши).
Электр резонанс ходисаси - Электр контурнинг барча параметрлари ўзгармас ва бу контурга таьсир қиладиган ташқи куч даври синусоидал бўлса, яьни контурнинг хусусий тебраниш частотаси ташқи куч частотасига мос келса, электр резонанс ходисаси рўй беради.
Электр ростлагич – электр машиналар ва қурилмаларнинг параметрлари, генератор кучланиши, электр моторнинг айланиш тезлиги, печнинг ҳарорати кабиларни берилган қийматда ушлаб турадиган ҳамда суюқлик, газ сарфи ва бошқаларни ростлаб турадиган қурилма.
Электр сиғими – алоҳида ўтказгичнинг электр зарядларини сақлаб қолиш хусусияти.
Электр станцияси – бирламчи энергия ресурсларидан электр энергияси ишлаб чиқарадига корхона. Энергия манбаларига қараб: иссиқлик, буғ турбинали, атом, газ турбинали, дизелли, шамол, геотермик, гидро ва бошқа электр станциялари мавжуд.
Электр тармоғи – электр станцияларидан электр энергияси истеъмолчиларга симлар системаси орқали узатилганда , симлар системаси тармоқларга бўлинган бўлса, бу система электр тармоғи дейилади.
Электр тизими – ўзаро параллел уланган электр станциялари , электр энергиясини тақсимлаш қурилмалари, электр узатиш линиялари ва электр истеъмолчилари биргаликда электр тизим дейилади.
Электр токи –зарядланган заррачаларининг тартибли ҳаракати. Электр токи ўзгарувчан ва ўзгармас токларга бўлинади. Ўзгармас ток уч турга бўлинади: ўтказувчанлик токи, кўчиш токи ва силжиш токи.