Атамалар рўйхати Автоматик назорат

Тақсимлаш қурилмаси – электр энергиясини қабул қилиб олиб, уни алоҳида истеъмолчилар орасида тақсимловчи қурилмалар: узгичлар, ажратгичлар, ток трансформаторлари, ўлчаш асбоблари ва бошқалар киради.
Тахогенератор – механик катталикларни электр сигналларга айлантирувчи микроэлектр машина. Иши генератор ЭЮК нинг уйғониш оқими ўзгармас бўлганда роторининг айланиш тезлиги бурчак тезлигига мутаносиб бўлишига асосланган.
Тензодатчик – қаттиқ жисмларнинг механик кучланишини ёки деформациясини электр сигналга айлантирувчи қурилма бўлиб электр тензометрининг таркибий кисмидир. Тензодатчикнинг иши металл симнинг чузилган ёки сикилганда уз електр каршилигини узгартиришига асосланган .
Термоқаршилик – қаршилиги ҳароратга қатъий боғлиқ бўлган яримўтказгичли қаршиликлар.
Термопара – (терможуфт) – бир томондаги учлари ўзаро кавшарлаб уланган, электр ўтказувчи ҳар хил жинслиикки элементдан тузилган ҳарорат датчиги.
Термостат – автоматик ростлагич ёрдамида ҳароратни бир хилда ушлаб турадиган асбоб.
Термоэлемент – иссиқлик энергиясини тўғридан тўғри электр энергиясига айлантирувчи, шунингдек, совитувчи эффектларни вужудга келтирувчи асбоб.
Тесла – ҳалқаро бирликлар тизимида магнит индукцияси бирлиги. 1Т=1 Вб/м² , яъни 1м² юзадан 1 Вб магнит оқими ўтганда магнит индукцияси 1Т га тенг бўлади.
Тетрод – тўрт электродли электрон лампа. Тўрлардан бири бошқарувчи, иккинчиси экранловчи ҳисобланади. Тетрод бир неча юз МГц частоталарда ишлайдиган қабул қилувчи-кучайтирувчи ёки генерацияловчи лампа вазифасини бажаради.
Техник кўрик – электр машина ва бошқа қурилмаларни қисмларга ажратмасдан техник аҳволини аниқлашда бажариладиган ташкилий ва техник ишлар, улар қисмларининг барвақт ейилиши ва ишдан чиқишининг олдини олишга қаратилган тадбирлар мажмуи.
Тизим – (система) – техникада иш харакатлари, машиналарнинг технологик иш жараёни, ишлаб чиқариш жараёнлари ва ҳоказоларни муайян тартибда бажарувчи механизм, қурилма ва машиналар мажмуи.
Тиристор – вентил хоссасига эга бўлган тўрт қатламли p – n – p – n –тур тузилишли монокристал яримўтказгичли асбоб. Тиристор электр энергияси ўзгарткичларида вентил, автоматик бошқариш тизимининг ижрочи ва кучайтирувчи элементлари сифатида ишлатилади.