Ассалому алайкум

Mavzuning o‘rganilganlik darajasi. Jadidchilik va jadid adabiyotini o‘rganish bo‘yicha yirik asarlar yaratgan olim, filologiya fanlari doktori, professor
Begali Qosimovning “Maslakdoshlar”, “Milliy uyg‘onish: ma'rifat, jasorat, fidoyilik”¹ kabi tadqiqotlarida va olim rahbarligidagi mualliflar guruhi tomonidan yaratilgan “Milliy uyg‘onish davri o‘zbek adabiyoti” darsligi²da Fitratning ilmiy biografiyasi, ijodiy-ilmiy merosi, asarlarining jadid adabiyotida tutgan o‘rni kabi muhim masalalar tadqiq qilingan. Fitrat biografiyasi va ijodiy faoliyatiga oid juda ko‘p yangi ma'lumotlar aniqlanib, tahlil etilgan.
Hamidulla Boltaboevning “Fitrat va jadidchilik” monografiyasi³da buyuk adibning jadidchilik harakatidagi faol ishtiroki, madaniy-ma'rifiy va matbuot sohasida olib borgan ishlari o‘rganilgan. Uzoq Jo‘raqulovning “Fitratning tadqiqotchilik mahorati”, “Hududsiz jilva”, “Nazariy poetika masalalari”⁴ singari kitoblarida Fitratning adabiy-tanqidiy asarlari tahlilga tortilgan, uning ushbu yo‘nalishdagi asarlari sohaning keyingi rivoji uchun ham asos vazifasini bajargani isbot etilgan. Professorlar Naim Karimov⁵, Ilhom G‘aniev⁶ ilmiy asarlarida ham Fitratning o‘zbek jadid adabiyoti rivojida tutgan o‘rni, adib dramalari poetikasi va adabiy merosining boshqa qirralarini o‘rganishga alohida e'tibor berilgan.
Kurs ishining maqsadi. Jadid adabiyotining yirik namoyandasi Abdurauf Fitrat asarlarida Barkamol avlod masalasigaoid qarashlarning yoritilishi masalasini qiyosiy aspektda o‘rganish bitiruv malakaviy ishining asosiy maqsadidir.
Ishning vazifalari quyidagilardan iborat:

• 
  ijodkor adabiy-publitsistik merosi misolida Barkamol avlodni tarbiyalashning ildizlariga doir qarashlarni o‘rganish;
  
• 
  Fitrat asarlaridagi Barkamol avlod va yevropa madaniyatiga doir fikrlarni qiyosiy tahlil etish;
  

¹ Қосимов Б. Маслакдошлар. - Т.: “Шарқ”, 1994; Ўша муаллиф. Миллий уйғониш: жасорат, маърифат, фидойилик. – Т.: “Маънавият”, 2002.
² Қосимов Б., Юсупов Ш., Долимов У. ва б. Миллий уйғониш даври ўзбек адабиёти. . – Т.: “Маънавият”, 2004.
³ Болтабоев Ҳ. Фитрат ва жадидчилик. Т.: Ўзбекистон Миллий кутубхонаси нашриёти, 2007.
⁴ Жўрақулов У. Фитратнинг тадқиқотчилик маҳорати. -Т.: “Университет”, 2000; Ўша муаллиф. Ҳудудсиз жилва. - Т.: “Фан”, 2006; Ўша муаллиф. Назарий поэтика масалалари. - Т.: Ғафур Ғулом номидаги НМИУ, 2015.
⁵ Каримов Н. ХХ аср адабиёти манзаралари. - Т.: “Ўзбекистон”, 2008; ўша муаллиф. Т.: “Мумтоз сўз”, 2013.
⁶ Ғаниев И. Фитрат драмалари поэтикаси. - Т.: “Фан”, 2005

• 
  “Najot yo’li” asaridagi ikki madaniyat, taraqqiyot va inqirozga oid adib fikrlarini qiyosiy o‘rganish;
  
• 
  “Najot yo’li” asarini mavzu yuzasidan o‘rganib, adib qarashlarining ahamiyatini yoritish;
  
• 
  shoir qarashlarining yosh avlodni milliy ma'rifat ruhida tarbiyalashda tutgan o‘rnini aniqlash.