Асадуллаев М. М., Асланова С. М. Асаб касалликлари пропедевтикаси

Мияда қон айланишнинг ўткир бузилишини даволаш (МҚАЎБ)
МҚАЎБ нинг нодифференциал ва дифференциал терапияси тафовут қилинади. Нодифференциал (базис) терапия МҚАЎБнинг барча турларида, энг аввало КТ ёки МРТ маълумотлари ташхисни хали тасдиқламаганда қўлланилади.
Нодифференциал (базис) терапия қуйидаги асосий тамойиллар бўйича ўтказилади:

1. 
   Ҳаётий муҳим аъзолар фунцкциясини коррекция қилиш:
   

- респиратор ёрдам нафасни енгиллаштириш, нафас йўлларини шиллиқ, қусуқ қолдиқларидан тозалашга йўналтирилган бўлиб, бунга тана ҳолатини ўзгартириш, оғиз ва бурундан ҳаво юбориш билан эришилади, зарурат бўлганда интубация ўтказилади;
- юрак-томир системаси фаолиятини меъёрлаштиришга қаратилган терапия: АБ пасайганда (80/60 дан паст), кристаллоид ёки коллоид эритмалардан фойдаланилади. Изотоник эритма натрий хлорид эритмаси, полиглюкин, альбумин, кортикостероидлар (преднизолон 120-150 мг), дексаметазон 8-12 мг), вазопрессорлар (допамин 50 мг 20 мл изотоник эритмада, норадреналин, метазон) дан фойдаланилади. Қон босим паст бўлганда доимо миокард инфаркти эҳтимолини назарда тутиш керак. Қон босими ошганда уни ибтидо рақамидан 25% га туширилади (180 мм. симоб устунидан паст бўлмаслиги керак). Дибазол (0,5% 5-10 мл парентерал), резерпин (0,25% - 1,0 мушак орасига), бензогексоний (2%-1 мл), клофелин (0,01 %- 1 мл 10 мм физиологик эритмада) ошиб кетган ҚБ ни пасайтириб бўлмаганда дарҳол ганглиоблокаторлар ишлатилади, пентамин 5%-0,5мл 20 мл физиологик эритмада (ёки нитропруссид натрий) венага аста-секин юборилади. Шунингдек, миокарднинг қисқариш қобилиятини яхшилайдиган - строфантин, корглюкон (венага физэритмада) қўлланилади.

2. 
   2 Мия шиши ва калла ичи босими ошишига қарши курашиш:
   

-дегидратацион терапия ўтказишда салуретиклар (фуросемид) ва осмодиуретиклар (маннит) қўлланилади.

3. 
   Вазоспазмга қарши кураш:
   

-шу мақсадда кальций каналларининг блокаторлари (нимодипин, нипотоп)дан фойдаланилади.

4. 
   микроциркуляцияни яхшилаш (реопилиглюкин, трентал).
   

4. 
   гипоксияга қарши кураш (антигипоксантлар: микседол, актовегин, солкосерил, милдронат).
   

4. 
   мия метоболизмини яхшилаш (фенотропил, церебролизин, ноотропил, пирацетам).
   

4. 
   сув-электролит балансини ва кислота - ишқорий мувозанатни тутиб туриш (айниқса беҳуш беморларда):
   

-шу мақсадда электролитлар (физиологик эритма, Рингер эритмаси, кальций хлорид бир кунда 3г гача) венага юборилади.

8. 
   гипертермияга қарши кураш:
   

-тана ҳарорати баланд бўлганда литик аралашмалар буюрилади (масалан, анальгин, промедол, пипольфен ёки анальгин, новокаин, димедрол), магистрал томирларга музли халта қўйилади, сув-спиртли эритма билан баданни артилади.
Дифференциал терапия МҚАЎБ турига боғлиқ бўлади. Жаҳон Соғлиқни сақлашнинг тавсиясига кўра, агар ташхис КТ ва МРТ маълумотлари билан тасдиқланмаган бўлса, уни ўтказмаслик керак.