Қарши муҳандислик-иқтисодиёт институти шарипов эргаш орипович

Диссертация тадқиқотининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Тадқиқот Кадрлар тайёрлаш миллий дастурининг таълим мазмунини янгилаш, ўқув мажмуаларининг янги авлодини яратиш, педагогик технологияларни таълим жараёнига татбиқ қилиш вазифалари билан боғлиқ бўлиб, Олий ва ўрта махсус таълим вазирлиги тизимида 2007-2011 йилларга мўлжалланган фундаментал тадқиқотлар дастурлари доирасидаги ОТ-Ф8-208 рақамли – “Таълим муассасалари ўқув-тарбия жараёнига замонавий педагогик технологиялар ва илғор тажрибаларни жорий этишнинг илмий-назарий асослари” лойиҳаси билан боғлиқ.
Тадқиқотнинг мақсади – академик лицейларда ўқитиладиган математик анализ асосларини ўқитишнинг методик тизимини такомиллаштириш ва шу асосда математик анализ асослари дарс жараёнларини лойиҳалаштириш ва уни ўқитиш методикасини ишлаб чиқишдан иборат.
Тадқиқотнинг вазифалари:
академик лицейларда математик анализ асосларини ўқитишнинг ҳозирги ҳолатини таҳлил этиш ва шу асосида математик анализ асосларини ўқитишнинг методик тизимини илмий-услубий томондан такомиллаштириш;
академик лицейларда математик анализ асосларини ўқитишнинг мақсадини шакллантириш, илмий-методик томондан асослаш ва мазмунини зоманавийлаштириш, математик анализ асосларини ўқитишнинг иннавацион усул ва услублари, ўқитишни шакли ва воситаларини аниқлаш;
математик анализ асосларини ўқитишнинг самарадорлигини ошириш ва математик анализ асослари дарсларини лойиҳалаштиришнинг йўриқномасини ва оптимал моделини ишлаб чиқиш;
математик анализ асосларини ўқитиш методикасини ишлаб чиқиш ва академик лицейларда педагогик тажриба-синовдан ўтказиш ва олинган натижалар асосида амалий тавсиялар бериш.
Тадқиқотнинг объекти - академик лицейларда математик анализ асосларини ўқитиш жараёни.
Тадқиқотнинг предмети - академик лицейларда ўқитиладиган математик анализ асосларини ўқитишнинг такомиллаштирилган методик тизими, дарс машғулотлари лойиҳалари ва уни ўқитишнинг мазмуни, шакли ва усуллари ҳамда методикасидан иборат.