Ҳаракатли ўйинлар

45. «Олтита булава» ўйини.
Ўйинчилар икки командага бўлиниб, старт чизиғида саф тортиб турадилар. Ҳар бир команданинг олдида тўғри чизиқ чизилган бўлиб, унга орасидаги масофа 1 м қилиб булавалар қуйилган бўлади. Тарбиячининг сигналидан сўнг биринчи турган ўйинчилар югуриб бориб булаваларни йиғиб олиб келадилар. Булавани биринчи бўлиб ҳамда ерга туширмасдан олиб келган команда ғолиб ҳисобланади.

46. «Доирага торт» ўйини (39-расм)
Ўйинчилар иккита тенг командага бўлиниб, биринчи команда айлананинг ташқи томонида, иккинчи команда ички томонида бир-бирига қараб турадилар. Доиранинг ичида турган ўйинчилар доиранинг ташқарисида турганларни, доиранинг ташқарисида турганлар доиранинг ичида турганларни тортадилар. Ўйин 1-2 минут давомида ўтказилади. Доиранинг ичида ёки ташқарисига тортилганлар ўйиндан чиқадилар. Рақибининг қулидан ёки белидан ушлаб тортилади. 4-6 марта олишувдан кейин ўйинчи кўпроқ қолган команда ғолиб ҳисобланади.

47. «Арқонни торт» ўйини
Арқонча учига қум солинган халтача бойлаб қўйилади. Арқончанинг уч томонида бир-бирларига орқаларини ўгириб икки ўйинчи туради. Ҳар бир ўйинчининг олдида 5-6 қадам нарида байроқчалар қўйилган. Ўқитувчи ёки тарбиячининг сигналидан кейин ўйинчилар ўз байрокчаларига югуришади ва қайтиб келиб арқончанинг учидан ушлаб ўз томонига тортадилар. Арқончанинг биринчи бўлиб ўз томонига тортган ўйинчилар ғолиб ҳисобланади. Мусобақа уч марта такрорланади.
48. «Мувозанатни йўқотма» ўйини (40-расм а)
Ўйинчилар қўлларини олдинга узатиб, бир-бирларига қараб турадилар. Бунда товонлар жуфтланган бўлиши керак. Ўйинчилар қўлларини кўкрак баландлигида кўтариб, рақибнинг кафтига кафти билан туртадилар (гоҳ бир қўллаб, гоҳ икки қўллаб). Туртиш даврида туртишга чап бериш, қўлларини ёнга очишга рухсат берилади. Турган жойидан оёғини қўзғатган ёки жилиган ўйинчи ютқизган ҳисобланади.
49. «Ип ўраш» ўйини (40-расм б)
Ўйинчилар тенг икки командага бўлинадилар. Ўйнаш учун иккита эстафета таёқчаси, иккита қум тўлдирилган халтача ва 7-8 м арқонча бўлиши керак. Арқончанинг бир учига эстафета таёқчаси, иккинчи учига қўм тўлдирилган халтача бойлаб ёнма-ён қўйилади.
Икки ўйинчи ёнма-ён ўтириб, эстафета таёқчасини қўлга оладилар. Тарбиячининг сигналидан кейин арқончани чиллакка ўрай бошлайди. Албатта чиллакни икки қўл билан ушлаб айлантиради. Кимда-ким биринчи бўлиб арқончани чиллакка ўраб олса, у кўпроқ очко олади ваш у уоманда ғолиб ҳисобланади.
50 «Fилдирак устида нишон» ўйини
Спорт залида тўрт оёқли ёғоч араваяа ёки катта ўйинчоқ машинаси фанердан ясалган 20х20 см келадиган иккита нишон ўрнатилган бўлади. Буни ўйинчилардан 3-4 м нарига қўйилад. Тарбиячи сигнал бериб ўйин бошлайди. Ҳар бир ўйинчи қўлидаги тўпни нишонга қаттиқ уриб тегизишга ҳаракат қилади. Чунки тўп нишонга текканида нишон орқага сурилиб кетиши керак, 10-15 марта нишонга тўп теккандан кейин қайси команда нишонни кўпроқ орқага сурса, ўша команда ғолиб ҳисобланади. Ўйинчилар тўпни нишонга тик турган ҳолда, стулда ёки скамейкада ўтириб отишлари мумкин.