Ҳаракатли ўйинлар

31. «Қўл ушлашиб қувлашмачоқ» ўйини.
Ўйин учун майдоннинг ҳамма томони чизиқ билан чегараланади ва у майдоннинг ўртасида туради. Ҳамма ўйинчилар унинг атрофида турадилар.
Онабоши Балан овоз билан «Мен қувловчи» дейди. Ўйинчиларнинг ҳаммаси майдон бўйлаб тарқалиб юради. Қувловчи бирорта ўйновчини тутиб олмоқчи бўлади. Хавф туғилган пайтда (қувловчи унга етиб қолса) у «қўлингни бер» деб ўртоғини ёрдамга чақириши мумкин. Қўл ушлашиб олганлар тутилмайди. Агар қўл ушлашиб олишидан олдин тутиб олса, онабоши ўз ролини шу тутилган бола билан алмашади.
Агар онабоши анча вақтгача ҳеч кимни тутаолмаса, чарчаб қолмасин учун бошқа онабоши тайинланади.
32. «Кўзбойлоғич» ўйини
Ўйинчилар доира қуриб ўтирадилар. Улардан бири онабоши қилиб тайинланади, у давранинг ташқарисида туради.
Болалар кўзларини юмиб ўтирадилар, онабоши эса доира атрофида айланиб юриб, секингина бир болаларнинг орқасида тўхтайди. Онабошининг юришига болалар қулоқ солиб ўтирадилар. Орқасига онабоши келиб тўхтаганини пайқаган ўқувчи қўлини кўтариши ва буни ўқитувчига айтиши керак. Агар бола тўғри топса онабоши ўрин алмашади. Агар тополмаса ўйин давом этирилади.
33. «Хурмача боғи» ўйини
Ўйин майдонча ёки залда ўтказилади. Ўйинчилар қўл ушлашиб, бир-бирларига қараб икки доирага бўлиниб икки қатор бўлиб турадилар. Ҳар бир доирада 12-13 ўқувчи бўлади.
Болалар доира бўлиб, қарама-қарши томонга қараб айланиб турадилар ва қуйидаги сўзларни қўшиқ қилиб айтадилар.

Хурмача боғи,

Тўкилса ёғи.
Тўкилса майли
Холамнинг ити бор,
Қулоғида холи бор,
Холи, холи, хаш-ту-ту.
Ўйинчилар охирги сўзни айтиб бўлишлари билан ўтириб олишлари керак. Ким кейин қолса (кейин ўтирса), ичкаридаги доира ўртасига тушиб, бирорта топшириқни бажаради: ашула айтади, ўйнаб беради ёки Бирон-бир шеър айтиб беради. Ютқазган бола топшириқни бажариб бўланидан кейингина ўйин давом эттирилади.
Агар ўйинчилар сони кўп бўлса, бир неча доира хосил қилиб ўйнаш мумкин.