Ҳаракатли ўйинлар

28. «Чўпон» ўйини
Майдончанинг икки қарама – қарши томонига чизиқ чизилади. Ўйинчилар икки командага бўлиниб, ҳар бир команда бир-бирига қараб майдонинг икки томонидаги чизиқ орқасида туради. Биринчи (ўйин бошловчи) команданинг ҳар бир ўйинчисида бир варакдан қоғоз ва лента бўлади. Биринчи команданинг онабошиси иккинчи команданинг онабошисига қараб: «Чўпон, чўпон», дейди. Иккинчи команда онабошиси: «Сенинг поданг кетиб қолган», - дейди. «Менинг подам олдига етиб борди», - деб сўрайди биринчи команда онабошиси. Иккинчи команда онабошиси жавоб бераётиб биринчи командадан истаган бир боланинг исмини айтади, масалан: «Сенинг плданг Каримнинг олдига ктиб борди», - дейди. Иккала команда ўрин алмашадилар, бу пайтда иккинчи команда ўйинчиларни Каримни ушлашлари, яъни унга қўл тегизишлари, биринчи команда ўйинчилари эса Каримни қутқаришлари, яъни югуриб ўтиш пайтида унга лента беришлари керак. Ҳар икала команда тенг сонда ўйинни бошлаб бериш учун ўйин 4-6-8 марта такрорланиши керак. Ўйинчилар сони кўп бўлиб қолган команда ўйинда ғолиб хисобланади.
29. «Семир пуфагим» ўйини
Ҳамма ўйинчилар ёнма – ён бўлиб, қўл ушлашиб доира ҳосил қилиб турадилар. Болалар: «Семир пуфагим, каттароқ семир, ёрилмасдан шундай тур» деб доиранинг кенгайтира бошлайдилар. Доира етарлича кенгайгандан кейин ўқитувчи: «Пйфак ёрилди» дейди. Болалар қарсак уриб, ўтириб оладилар.
Ўқитувчи ўйинчилардан бирини – «ямоқчи»ни «пуфакни ямаш» учун юборади. У доира бўлиб бўлиб югуриб ҳар бир ўйинчига қўл тегизади. «Ямоқчи»нинг қўли теккан бола ўрнидан туради. «Ямоқчи» ҳамма ўйинчиларга қўл теккизиб бўлганидан кейин болалар Яна қул ушлашиб турадилар.
Ўқитувчи: «пуфак ел чиқаряпти» - дейди. Болалар «п-с-с-с-с-с» деган товуш чиқариб олд томонга қараб юрадилар ва шу билан доирани (пуфакни) торайтирадилар.
Бунда аввало зўзларни ўрганиб, сўнг эса баробар айтиш ва баробар қарсак чалиш зарурлиги тушунтирилади.
30. «Қувлашмачоқ» ўйини
Майдон чизиқ билан чегараланиб чиқилади. Битта онабоши – қувловчи тайинланади. Бошқа ўйинчилар унинг атрофида доира ҳосил қилиб турадилар.
Қувловчи «бир, икки, уч», - дейди. Ҳамма болалар ҳар томонга югуриб кетадилар хавф туғилган пайтда ўтириб олишлари мумкин, ўтириб олганларни қувловчи тутмайди. Қувловчи тутиб олган бола онабоши бўлади. Ўйинни истаганча вақт ўйнаш мумкин.
Бу ўйининг «Сакраш билан қувлашмачоқ» вариантини ҳам ўйнаш мумкин. Бук ҳам юқорида таърифлангандек ўйналади. Фақат фарқи – бир оёқда сакраган бола бунда тутилмайди.