Аплв1тот1 Jill. V b tk kaffTAlv grant bulalari

406

ga kelgan bu g‘alati epidemiya shu to‘rtta hayvonning o‘lishi bilan tugagan bo‘lsa kerak, deb umid qila bosh-ladi.
Ayrton ham shu fikrda edi. Hayvonlarning bunday paqqa-paqqa o‘lib qolishiga botsman ham juda hayron ekanini aytdi.
Kichkina otryad yana yo‘lga tushdi. Piyoda qol-ganlar navbatma-navbat aravaga chiqib, dam olar edilar. Hammasi bo‘lib o‘n mil yo‘l yurgandan so‘ng kechqurun tunash uchun manzil qurdilar. Daraxtsimon qurqquloqlar chakalagi orasida tun tinch o‘tdi, qirqquloqlar orasida uchuvchi tulkichalar deb atalgan katta-katta ko'rshapalaklar uchib yurar-di.
Ertasi kuni, ya’ni 13-yanvar juda yaxshi boshlan-di. Boshqa hech qanday falokat yuz bermadi. Ekspeditsiya a’zolarining sog‘lig‘i ilgarigidek yaxshi edi. Ot va ho‘kizlar bardamlik bilan olg‘a boradilar. Elenning «mehmonxonasi»da mehmonlar uzilmagani uchun to‘xtovsiz ravishda jonli suhbatlar bo‘lib turdi. Mister Olbinet muzdek ichimliklar bilan har bir mehmonning chanqovini bosib turdi, o‘ttiz gradus is-siqda bu ayni muddao edi. Bir bochka elni yarimlatib qo‘ydilar. Paganel ko‘p ichar va turli- turli mavzular-da yana ham qizg'in va’zxonlik qilardi.
Shunday yaxshi boshlangan kun yaxshi tugashi kerakdek edi. Otryad qizg‘ish tuproqli tepalik yerlar-dan o‘n besh milcha yo‘l bosdi. 0 ‘sha kuni kechqu-runoq Viktoriya viloyatining janubida Tinch okeanga borib quyiladigan Snou degan katta daryo bo‘yiga. yetib olishga umid bog‘lasa bo‘lardi. Ko‘p o‘tmay arava g‘ildiraklari baland-baland o‘tlar va gostrolo-bium butalari bosib ketgan yumshoq qora tuproq yerlardan iz qoldirib o‘ta boshladi.
Kech kirdi. Ufqda aniq ko‘rinib turgan tuman par-dasi Snou daryosining oqimini ko‘rsatib turardi. Ho‘kizlar aravani yana bir necha mil joyga tortib bor-dilar. Uncha baland ham bo‘lmagan bir tepa yonidan o‘tilgandan keyin yo‘l katta-katta daraxtlar o‘sib yot-gan o‘rmon ichiga burilar edi. Ayrton qattiq charcha-gan ho‘kizlarini o‘sha katta- katta daraxtlar o‘sgan qop -qorong‘u o'rmon ichiga burdi, bir yalanglikdan o‘tdi, daryoga yetishlariga nihoyati yarim milcha yo‘l qolganda birdan arava gupchagigacha loyga botib qoldi.