Anguage and literature til va adabiyot

                                                                                             TAHRIRIYAT

Diqqat! yangi rukn:

---

6

e-mail: [e-mail]

2020-yil 1-son

Navoiydan navolar kelur

Kim bu daftarg‘a berib tavfiq haq, 

Tarjuma rasmi bila yozsam varaq.

Lek so‘z dushvor edi, men notavon, 

Bormas erdi xomag‘a ilkim ravon,

Oqibat ko‘rdumki umr aylar shitob, 

O‘lsam-u qolsa deyilmay bu kitob.

Ul jahon sori bu armon eltkum, 

Bo‘yla o‘tdin dog‘i hirmon eltkum.

Necha bu ishga ko‘ngul mash’uf edi, 

Go‘iyokim vaqtig‘a mavquf edi.

Oltmishqa umr qo‘yg‘onda qadam,

Qush tilin sharh etgali yo‘ndum qalam.

Shayxning ruhidin istimdod etib, 

Ko‘rgach istimdod, ul imdod etib.   

Erdi yarim kecha ashg‘olim chog‘i, 

Tab’ bu ma’nig‘a mashg‘ul o‘lmog‘i.

Xoma raftorin necha sursam necha, 

Qirq-ellik bayt har yarim kecha.

Shayx ruhidin etib ko‘p ehtimom, 

Qildim oz fursatda arqomin tamom.

Budur ummidimki, har kim solsa ko‘z, 

Kim harorat solsa ko‘nglig‘a bu so‘z,

Ustoz Shayx Attordin bo‘lsun minnatdor,

Shayxga rahmat aytsun takror-u takror.

 Mumtoz navo avj pardada yangraydi. Alisher Navoiy 

sahnaning o‘ng tomoniga yuradi. Hazrat sahnani tark 

etgach, navo tinadi va qushlar chug‘uri boshlanadi.

Birinchi parda

Birinchi  sahna

Dastlabki sahna ko‘rinishi. Chap tomondan qushlar 

chug‘uri eshitiladi. Qushlar birin-ketin sahnaga qo‘nadi 

va daraxt novdalaridan joy egallaydi. Ular biroz joy 

talashishadi. Olaqarg‘a To‘tidan yuqoriroqqa o‘tadi. 

Qarg‘a Bulbuldan balandroqqa chiqadi. O‘laksaxo‘r 

Tovusni nazar-pisand qilmay namoyishkorona yurib, 

to‘rga o‘tib ketadi. Sahnaning chap tomoni qushlarga 

to‘ladi. Boshqa qushlar ham yuqoriroqdan joy egallash 

uchun janjallashishadi.

Hudhud (norozi ohangda):

Bu qanday bedodlik, bu qanday savdo,

Kalxat shoxda, pastda Tovus va Humo?

Qarg‘a to‘rda, Bulbul qolgan poygakda,

Qushlarga ham biroz insof kerakda.

Chun hunarvar uzra chiqdi behunar,

Tozdin qoldi quyiroq tojvar.

Agar bo‘lsa edi adolatli shoh,

Hech bitta qush bunday qilmasdi gunoh.

 Poygakdagi qushlar “To‘g‘ri, to‘g‘ri” deya Hudhudning 

gapini ma’qullashadi.