Андижон давлат университети тарих факультети

Кафедра мудири: __________ доц. Ҳамраева Т.Р.
“5120300 - Тарих (Жаҳон мамлакатлари бўйича) йўналиши талабалари учун курс ишларини тайёрлаш ва ҳимоя қилишга оид услубий кўрсатма” Тарих факультети Кенгашининг 2021 йил _____ августдаги _____ - сон йиғилишида муҳокамадан ўтган ва маъқулланган.
Кенгаш раиси: ___________ т.ф.н. Шамситдинов Р.Р.

“Услубий кўрсатма” билан танишиб чиқдим ва уни маъқуллайман.

Ўқув-услубий бошқарма бошлиғи: ___________ Муллажонов Р.В.


КИРИШ
Ушбу услубий кўрсатманинг асосий мақсади талабаларни курс ишини бажаришда риоя қилиши керак бўлган қоидалар ва меъёрлар билан таништиришдир.
Услубий кўрсатмада бакалавриат таълим йўналиши фанларига тааллуқли курс иши тузилиши, адабиётлар таҳлили, ишда фойдаланилган адабиётларни қайд этиш тартиблари, жадвал ва чизмаларга қўйиладиган асосий талаблар, ишни расмийлаштириш тартиблари келтирилган.

1. 
   Курс ишининг мақсади ва вазифалари
   

Курс ишини бажариш бакалавриатда талабаларни ўқитишнинг маълум бир босқичи бўлиб, у илмий-услубий жиҳатдан ҳозирги замон талабларига мувофиқ қелиши ва аниқ бир муаммони ҳал қилишга қаратилган бўлиши керак.
Курс ишини бажаришдан мақсад:
• Талабанинг бакалавриат таьлим йўналиши бўйича олган назарий ва амалий билимларини мустаҳкамлаш, кенгайтириш, олган билим ва малака кўникмаларини муайян илмий, педагогик ва ижтимоий вазифаларни ҳал қилишда қўллашга эришиш;
• Бирор муаммони тўла ҳал қилишга ўргатиш, уни ҳал қилишда ижодий ёндашиш кўникмаларини шакллантириш;
• Талабаларни мустақил ҳолда ишлай олишга тайёрлаш.
Бакалавриат таълим йўналиши бўйича курс ишида бакалавр қуйидаги вазифаларни ҳал қилади:
• ҳал қилинаётган муаммо бўйича адабиётлар шарҳини ва ўрганганлик ҳолатининг таҳлилини бериш;
• муаммони ҳал қилиш йўлларини кўриб чиқиш ва оптимал вариантини танлаш.
• олинган натижалар бўйича асосланган хулосалар қилиш;
• олинган натижаларни халқ хўжалигининг тегишли соҳаларида қўллаш имкониятини яратиш.