Андижон давлат университети тарих факультети

5.8. Жадвал, расм ва чизмаларга бўлган талаблар
Одатда курс ишида кўплаб жадвал, расм ва чизмалар матн ичида ёки иловада келтирилиб, улар ишнинг моҳиятини тўла очиш учун хизмат қилади. Амалдаги “Низом”ларда чизма ва расмларнинг ўлчами, шрифти ва уларга бериладиган изоҳлар "давлат стандартларига қатъий мувофиқ келиши зарур" деб қайд этилган.
Шу сабабли қуйида ҳозирги кунда курс иши ва битирув малакавий ишларида жадвал ҳамда чизмаларни амал қилиниши зарур бўлган талаблари келтирилмоқда :
• Сонлар билан ифодаланган маълумотлар курс ишида жадвал кўринишида берилади. Ҳар қайси жадвал алоҳида номланиб, жадвал номи бош ҳарф билан бошланади. Жадвал устунлари ичидаги сўзлар ҳам бош ҳарф билан, ундан кейинги қатордагилари эса оддий ҳарф билан бошланади. Қатор оралиғи 8 мм дан кам бўлмаслиги талаб қилинади.
• Расмлар ўлчами 9x12, 12x15 смларда бўлиши талаб этилади. Расмлар оқ-қора ва рангли бўлиши мумкин. Расмларда келтирилаётган объект аниқ кўриниши керак. Расмлар ҳам бўлим бўйича араб рақамлари билан қайд этилади (1.1-расм. 1.2-...) ва номланади. Расм бирор манбадан олинган бўлса, манба кўрсатилиши зарур.
• Чизмаларнинг ўлчами, шрифти давлат стандартларига мос келиши талаб этилади. Чизмалар ҳам боб бўйича араб рақамлари билан расм деб қайд қилинади (1.3-расм, 1.4-...).
Жадвал, расм ва чизмалар ҳеч қандай бўяшларсиз, оқ-қора фонда берилади. Улардаги маълумотлар келтирилиши керак бўлган ҳолларда "1.1-жадвалдан кўриниб турибдики, 1.2-расмда келтирилмоқда" каби иборалар ишлатилади ёки тегишли маълумот матнда берилгандан кейин қавс ичида расм ёки жадвал тартиб рақами кўрсатилади (1.1 -жадвал ёки расм).
5.9. Мундарижани тузиш
Мундарижа курс ишини жилд варағидан кейин жойлаштирилиб, унда ҳамма бўлимлар (кириш, адабиётлар таҳлили, асосий боблар, хулоса қисми, фойдаланилган адабиётлар рўйхати ва иловалар)нинг тўлиқ номлари саҳифалари кўрсатилган ҳолда тартиб билан келтирилади. Мундарижада қисмлар ўрни алмаштирилиши, номланишини ўзгартирилиши ёки қисқартирилишига йўл қўйилмайди.