Andijon davlat universiteti maktabgacha pedagogika kafedrasi maktabgacha pedagogika

40-Mavzu: Maktabgacha ta`lim tashkilotida qisqa mudatli guruhlarni tashkil qilish.

Reja:

1.O`zbekiston Respublikasi Vazirlar Maxkamasining Qarori.

2. 
   Inklyuziv ta’lim asoslari. 
   

MAKTABGACHA TA’LIM TASHKILOTLARI FAOLIYaTINI YaNADA TAKOMILLASHTIRISH CHORA-TADBIRLARI TO’G’RISIDA

Vazirlar Mahkamasining 2019 yil 13 maydagi 391-son qaroriga

1-ILOVA

Maktabgacha ta’lim tashkilotlaridagi qisqa muddatli guruhlar to’g’risida

NIZOM

1-bob. Umumiy qoidalar

1. Ushbu Nizom maktabgacha ta’lim tashkilotlaridagi maktabgacha yoshdagi bolalar qisqa muddatli guruhlari maqsadlari, vazifalar va faoliyatini tashkil etish tartibini belgilaydi.

2. Qisqa muddatli guruhlar faoliyati maktabgacha ta’lim tashkilotlari ustavi bilan tartibga solinadi.

3. Qisqa muddatli guruhlar maktabgacha ta’lim tashkilotiga bormaydigan bolalarning to’laqonli kamol topishini ta’minlash, ularni tengdoshlari va kattalar davrasiga moslashtirish uchun mo’ljallangan.

4. Davlat maktabgacha ta’lim muassasalarida tashkil etilgan qisqa muddatli guruhlarda bolalarning bo’lishi uchun to’lov qonun hujjatlarida belgilangan miqdorlarda amalga oshiriladi.

5. Nodavlat maktabgacha ta’lim tashkilotlarida tashkil etilgan qisqa muddatli guruhlarda bolalarning bo’lishi uchun to’lov muassis tomonidan belgilanadigan narxlar va tariflar bo’yicha belgilanadi, bundan qonun hujjatlarida belgilangan hollar mustasno.