«anatomiya» fani tematik papka

2.Bigiz-til osti mushagi (m.stylohyoideus) chakka suyagi bigizsimon o’simtasidan boshlanadi. Pastga va oldinga yo’nalib til osti suyagi tanasiga birikadi.
Faoliyati: ikki tomonlama qisqarsa, til osti suyagini yuqoriga va orqaga tortadi. Bir tomonda qisqarsa, til osti suyagini yuqoriga, orqaga va o’zi tomoniga tortadi.
Innervatsiyasi: n.facialis.
Qon bilan ta’minlanishi: a.occipitalis, a. facialis, r.hyoideus (a.lingualis)
3.Jag’-til osti mushagi (m. mylohyoideus)keng, yassi mushak. Pastki jag’ suyagining ichki yuzasidagi linea mylohyoidea dan boshlanadi. O’ng va chap mushaklarning oldingi uchdan ikki qismi tolalari ko’ndalang yo’naladi va o’rta chiziqda o’zaro birikib, pay chok (raphe mylohyoidea) hosil qiladi. Orqa uchdan bir qismi tolalari yuqoridan pastga yo’nalib, til osti suyagi tanasining oldingi yuzasiga birikadi. Pastki jag’ va til osti suyagi o’rtasida joylashgan bu mushak og’iz diafragmasini hosil qiladi.
Faoliyati: jag’ qimirlamay turganida til osti suyagini va hiqildoqni ko’taradi. Til osti suyagi qimirlamay turganida pastki jag’ni tushiradi.
Innervatsiyasi: n.mylohyoideus.
Qon bilan ta’minlanishi: a.sublingualis, a.submentalis.