Analitik reaksiyalarni o’tkazish sharoitlari

Gazlar aralashmasi
Bir- biri bilan ximiyaviy reaksiyaga kirishmaydigan gazlar o'zaro istalgan nisbatda aralasha oladi. Natijada gazlarning gomogen aralashmasi hosil bo'ladi. Bunday arlashmadagi har qaysi gaz o'zining mustaqilligini yo'qotmaydi; shuning uchun aralashmaning fizikaviy xosslari ( solishtirma og'irligi, issiqlik sig'imi va boshqa xossalari ) additiv bo'ladi; bu xossalarni komponentlarning xossaliridan hisoblab chiqarish mumkin.
2.2 Gazlarning suyuqliklarda erishi
Biror berk idishga suyuqlik solinib, ustiga gaz yuborilsa, gaz va suyuqlikning tabiatiga, bosim va temperaturaga bog'liq. Temperatura ko'tarilgan sari gazning eruvchanligi kamaya boradi. Ayni temperaturada gaz eruvchanligining bosim o'zgarishi bilan o'zgarishi Genri qonuniga bo'ysunadi. Bu qonun juda muhim qonun bo'lib, quyidagicha ta'riflanadi:
ma'lum hajm suyuqlikda erigan gazning og'irlik miqdori gaz bosimiga to'g'ri proporsional bo'ladi:

C/P=K yoki C= K*P

bu yerda:

C- suyuqlikda erigan gazning og'irligi
P- bosimi
K- o'zgarmas kattalik
Masalan, 1 atm bosim va 0⁰ temperaturada 1l suvda 0,0654g kislorod erisa, o'sha temperaturada 2 atm bosimda 0,1308 g kislorod eriydi. Bosim ortgan sari gazning zichligi ham ortishi sababli 0.1308 g kislorodning 2 atm dagi hajmi 0,0654 g kislorodning 1 atm dagi hajmiga teng bo'ladi. Demak, Genri qonuniga muvofiq, ma'lum hajmdagi suyuqlikda erigan gazning hajmi bosimga bog'liq emas.
Gazlar aralashmasi aritilganda haq qaysi gaz mustaqil ravishda eriydi, ya'ni bir gazning erishiga aralashmadagi boshqa gazlar hech qanday xalal bermaydi, erish faqat gazning partsial bosimiga proporsional bo'ladi.(Genri - Dalton qonuni)
genri va Genri- Dalton qonunlariga faqat suyuqliklar bilan ximiyaviy reaksiyaga kirishmaydigan gazlar pastroq bosimlarda bo'ysunadi. 1l erituvchida t⁰ da va P bosimda eriy oladigan gazning hajmi uning eruvchanlik koeffitsiyenti yoki gazning adsorbtsiya koeffitsiyenti deyiladi.