Analitik kimyo

Ishni bajarish tartibi. Hajmi 100 ml bo’lgan ikkita elektrodning har biriga bittadan plastinka shaklidagi platina (lxl sm²) elektrodi o‘rnatiladi va ularga ~ 50 ml 10 % li kaliy sulfat eritmasi solinadi. Stakanlardan biriga 10 tomchi fenolftalein eritmasi tomizilib, magnitli aralashtirgichning o‘zagi tushiriladi. Shu stakandagi elektrod elektr manbasining manfiy qutbiga ulanadi. Elektr manbasining musbat qutbiga ketma-ket katta qarshilik, milliampermetr, tok ulash kaliti va ikkinchi platina elektrodi ulanadi. Har ikkala stakan 10 % li kaliy sulfat eritmasi toidirilgan U-simon nay yordamida tutashtiriladi. Shundan so‘ng eritmada bo‘lishi mumkin bo’lgan kislotalar qoldiqlarini yo‘qotish uchun elektroliz oldi jarayoni o‘tkaziladi. Buning uchun qarshilik shunday tanlanadiki, eritmadan 5-10 mA tok o‘tsin. Kalit yordamida zanjir ulanib, aralashtirgich ishga tushiriladi va elektroliz katod kamerasidagi eritma yorqin pushtirang hosil qilmaguncha davom ettiriladi. Tok uziladi va katod kamerasiga 5-10 ml tekshiriladigan kislota eritmasi solinadi. Zanjirga yana tok ulanadi va shu zahoti sekundomer ishga tushiriladi. Eritma yana yorqin pushtirangga kirsa, titrlash tugagan hisoblanadi va shu payt sekundomer ishdan to‘xtatiladi, tok uziladi. Katolit va anolitni almashtirmasdan tajriba bir necha bor takrorlanadi va laboratoriya jumaliga elektroliz toki va vaqti kiritiladi.