Analitik kimyo

Analiz natijalarini hisoblash. Titrlash natijalari quyidagi formula yordamida hisoblanadi:

bu yerda, V - titrantning qalay (II) ionining titrlanishi bilan bog‘liq bo‘lgan birinchi sakrashga to‘g‘ri keladigan hajmi, ml; V” - titrantning temir (II) ionining titrlanishi bilan bog‘liq bo‘lgan ikkinchi sakrashga to‘g‘ri keladigan hajmi, ml.

Kompleksimetrik titrlash

Ishni bajarish tartibi. 100 ml hajmli titrlash stakaniga darajalangan pipetka yordamida 2-5 yoki 10 ml tarkibida tekshiriladigan temir (III) bo‘lgan eritma o‘lchab solinadi. Eritma 25 ml suv bilan suyultiriladi. So‘ngra temir (III) xloridning gidrolizlanishi natijasida to‘q sariq rang hosil bo‘lguncha eritmaga ammoniy atsetatning 10 % li eritmasidan tomiziladi. Shundan keyin oksred juftni hosil qilish uchun eritmaga yangi tayyorlangan, tarkibida temir (III) bo’lmagan 1 % li Mor tuzi eritmasidan 1-2 tomchi tomiziladi, eritmaga elektrodlar tushirilib, unga magnitli aralashtirgichning o‘zagi kiritiladi va magnitli aralashtirgich elektr manbaiga ulanadi. Aylanayotgan o‘zak elektrodlarga tegmasligi, uning atrofida voronka hosil bo’lmasligiga e’tibor berib, aralashtirgichning o‘rtacha tezligida byuretkadagi komplekson ning standart eritmasidan har 40-50 sek oralig‘ida 1 ml dan qo‘shib eritma titrlanadi. Potensial sakrashi sohasida titrlashni tomchilab yoki titrantni 0,02 ml dan qo‘shib o‘tkazish tavsiya qilinadi. Titrlash natijalari titrlash qaydnomasi shaklida yozib boriladi. 5-9 parallel titrlash bajariladi.