Analitik kimyo

KISLOTALARNI ANIQLASH

Kislotalarni aniqlash elektr generatsiya qilingan OH ioni bilan titrlashga asoslangan. Kislotani platina katodida elektroliz qilganda, elektroliz tokining kuchi - I_o va kislotaning konsentratsiyasiga mos

ravishda turli jarayonlar kuzatiladi. Agar I₀d bo‘lsa, oldin kislotaning vodorod ioni vodorodgacha qaytariladi. Elektroliz jarayonida I_o>I_d bo‘lishi bilan suvning vodorod ioni qaytarila boshlaydi va OH^- ioni hosil bo‘ladi:

2H₂O → H₂ + 2OH^-

Hosil bo‘lgan gidroksil ioni eritmada qolgan vodorod ioni bilan ta’sirlasha boshlaydi. Eritmada kislotaning vodorod ioni qolmagandan keyin hosil bo‘lgan OH^- ioni eritmani ishqoriy muhitga o‘tkazadi. Eritmamuhitining o‘zgarishini indikator rangining o‘zgarishi, eritma potensiali yoki elektr o‘tkazuvchanligining o‘zgarishi bilan topish mumkin. Agar elektrolizning boshidan I₀>I_d bo‘lsa, faqat suv elektrolizga uchraydi. Titrant I₀=const bo’lganda generatsiya qilinsa, titrlash uchun sarflangan

vaqtning qiymatidan foydalanib q=I₀τ aniqlanadi va unga asosan kislotaning massasi topiladi. Eritma tarkibidagi fon elektrolitining elektr o‘tkazuvchanligi yuqori bo’lsa, I₀ doimiy qoladi.