Analitik kimyo

Analiz natijalarini hisoblash (4.1) tenglama asosida bajariladi.
11-laboratoriya ishi

KONDUKTOMETRIYA

Sirka kislotani bevosita konduktometrik aniqlash. Sulfat kislotani yuqori chastotali yoki ishqorlarni past chastotali konduktometrik titrlab aniqlash.

Konduktometrik usullar eritmalarning elektr o‘tkazuvchanligini o‘lchashga asoslangan. Konduktometriya usullari past va yuqori chastotali, kontaktli (elektrodlar eritmaga tushiriladigan) va kontaktsiz (elektrodlar eritmadan tashqarida bo‘ladigan), bevosita va bilvosita usullarga bo‘linadi. Kontaktsiz usullarda suyuqlikning sathi yuqorigi halqa yoki o‘ramdan 3-4 mm balandroq turishi kerak.

Konduktometriya amaliyotida, ko‘pincha, eritmalarning elektr o‘tkazuvchanligi emas, balki qarshiligi o‘lchanadi. Eritmalarning qarshiligini o‘lchash uchun platina elektrodlaridan iborat bo‘lgan elektrolitik bo‘g‘in ishlatiladi. Ko‘pincha elektrodlar plastinka shaklida bo‘lib, bir-biriga nisbatan muayyan masofada (odatda 1 sm) parallel joylashtiriladi. Platina elektrodlari orasidagi elektrolitning qarshiligi

tenglama bilan ifodalanib, ular orasidagi masofa (1) qancha katta va elektrodlarning sirt yuzalari (S) qancha kichik bo‘lsa, qarshilik shuncha katta bo‘ladi va aksincha.