Анафилактик реакциялар №8 режа: Анафилаксия ҳақида тушунча

Пептон назариясида, яъни пептон шокида иммунологик босқич бўлмайди, тўқима нафаси ўзгармайди, кучсиз ўтади, шокнинг оғирлиги пептон моддасини концентрациясига боғлиқ, десенсибилизация босқичи ҳам кузатилмайди. Ферментлар тизимнинг блокадаси кузатилмайди деб ҳисоблаганлар.
Гуморал назарияси асосчилари анафилаксия асосида гистамин ажралиши ва активлиги ётади. Тўғри, гистамин муҳим биологик актив модда бўлиб, тезкор аллергик реакциялар чақиради, лекин аллергик реакциялар юзага чиқишида бошқа, БАМ роли борлиги ҳаммага маълумки, буни инобатда олинмаган, кўплаб аллергик касалликларни антигистамин препаратлари билан даволанганда, кутилган эффект бўлмаган, десенсибилизацияни фазаси йўқлиги, шу билан бирга қонни ивишини кучайиши ҳам кузатилади.
Богомолецнинг целлюляр назарияси бўйича антиген+антитело комплекси ретикулоэндотелиал тизимда ўзгаришлар чақиради, бу тизимнинг организмдаги роли диффузия, фильтрация, адсорбция, осмос ҳодисаси, ферментлар, оқсиллар, комплемент тизим, антителалар ҳосил бўлишида иштирок этади.
Антитела-антиген комплекси РЭС функциясини блоклаб, комплемент тизимни боғлаб олади, натижада дистрофия, тўқима гипоксияси, трофикасини бузилиши рўй беради. Агар РЭСни олдиндан блокада қилинса, шок келиб чиқмайди.
Нерв-рефлектор назарияга мувофиқ наркоз пайтида сенсибилизацияланган ҳайвонга парэнтерал йўл билан ҳал қилувчи доза юборилса, шок кузатилмайди, шунга асосланиб, ушбу назария асосчилари аллергик реакция юзага чиқишида нерв-рефлектор тизим ролини биринчи ўринга қўйишган.
Адонинг полиэргик назарияси ҳақиқатга яқин, у босқичли жараён эканлигини тасдиқлайди.
а) Иммунобиологик фазада биринчи марта юборилган антигенга антитело ҳосил бўлади.
б) биокимёвий фазада ҳал қилувчи доза киритилганда антиген+антитело комплекси ҳосил бўлади.
в) патофизиологик фазада структуравий ўзгаришлар юзага чиқади.
Адо антиген+антитело комплексини ҳосил бўлиши ва тўқима ҳужайраларини шикастланишига қараб қуйидагича фарқлайди:
Холинергик структура – ацетилхолин, гистаминэргик структура – гистамин, адренергик структура – адреналин ажратади.