Анафилактик реакциялар №8 режа: Анафилаксия ҳақида тушунча

АНАФИЛАКТИК РЕАКЦИЯЛАР №8


РЕЖА:

1. 
   Анафилаксия ҳақида тушунча
   
2. 
   Тезкор ва секин борувчи аллергик реакциялар тўғрисида тушунча
   
3. 
   Генерализацияланган анафилактик реакциялар
   
4. 
   Маҳаллий анафилактик реакциялар
   
5. 
   Аутоаллергик реакциялар
   
6. 
   Парааллергия, гетероаллергия
   
7. 
   Аллергияни олдини олиш. Десенсибилизация
   
8. 
   Аллергия ва яллиғланиш
   
9. 
   Анафилаксияни патогенезини очувчи назариялар
   

1902 йили Порьте ва Ришелар анафилаксия, яъни иммунлашган организмни антиген таъсирига чидамлилигини пасайиш ҳолатини кузатдилар. Анафилаксия ҳолати, профилаксия ҳолатига қарама-қарши бўлиб, ҳозирги кунда Кумбс ва Джелл бўйича аллергик реакциялар синфланишининг I-типига мансуб деб ҳисоблайдилар.

Анафилаксияни антиген-антитело комплексини ҳосил бўлиши ва иммуноглобулинларни хусусиятига кўра, аллергик реакцияни алоҳида типи сифатида қаралмоқда.
Анафилаксия организмга кирган антигенларга цитофил антителаларни ҳосил бўлиши, гистамин, серотонин, брадикинин ва бошқа биологик актив моддаларни синтез қилиниши, умумий ва маҳаллий, структуравий ҳамда функционал ўзгаришлар билан кечувчи реакциялар мажмуаси тушинилади.
Тезкор аллергик реакция типи
Анафилактик реакциялар генерализациялашган ёки маҳаллий бўлиши мумкин.
Анафилактик шокни классик тарзда, от зардоби билан сенсибилизация қилинган денгиз чўчқасида кузатиш мумкин.
Сенсибилловчи доза (0,07 мкг оқсил), ҳал қилувчи доза эса, 10 маротаба сенсибилловчи дозадан юқори бўлади, 5-10 кун ўтказиб, ҳал қилувчи доза юборсак, анафилактик шок келиб чиқади.
Анафилактик шокни денгиз чўчқаси венасига ҳал қилувчи доза юбориб Зигель ўрганган. Ярим минутдан сўнг юзага чиқади, бунда денгиз чўчқаси безовталанади, туки дағаллашади, йўталади, нафас олиши қийинлашганидан бурнини қашлайди ва оғзини очиб нафас ола бошлайди. Ҳайвон ҳолати тез оғирлашади, титроқли нафас, беҳосдан аҳлат ва сийдик чиқаради, мувозанатини йўқотади, йиқилади, талвасага тушади. Ҳал қилувчи доза юборгандан сўнг 10 минутдан сўнг ҳайвон ўлади. Агар ҳайвонни ёриб кўрсак, ўпкаси ҳаво билан тўлганини кўрамиз ва кесиб сувга ташласак чўкмайди, бу бронхоспазмдан далолат беради.