Анафилактик реакциялар №8 режа: Анафилаксия ҳақида тушунча

Аллергия ва яллиғланиш
Антиген-антитела комплекси яллиғланиш чақирувчи флогоген омил бўлиб ҳисобланади. Антиген-антитела комплекси кўплаб аллергик реакцияларда бирламчи альтерацияни чақиради, шундан яллиғланиш бошланади.
Агар антиген-антитело комплекси ҳужайраларнинг зарарланиши учун бевосита етарли бўлмаса, у биохимик босқични стимуллайди, яъни биологик актив моддалар ишлаб чиқарган медиаторлар эса, иккиламчи альтерацияни чақиради. Демак, антиген-антитело комплекси маҳаллий ва умумий тарзда биологик актив моддалар ажралишини таъминлайди, натижада яллиғланиш охир оқибат шокка олиб келиши мумкин.
Аллергик ҳарактердаги яллиғланишда, бошқа яллиғланишлардан фарқи шуки, антиген-антитело комплекси флогоген ва шокоген ҳарактерга эга бўлади.
Аллергия ва иммунитет
Мечников таъкидлашича, инфекцион касалликларга берилмасликка иммун тизимини нормал фаолияти ётади. Иммунитетни олий формасида нормал шароитда, иммун организмга, қайтадан касаллик чақирувчи агент юборилса, касаллик юзага чиқмайди ёки касаллик клиник симптомларсиз ўтади. Жараён микроорганизмни парчалаш ва зарарлантириш билан тугайди.
Физиологик шароитда оз миқдордаги инфекцион агент ноиммун организмга тушганда ҳам катта вирулентликка эга бўлади. Агар, антигенни ҳал қилувчи дозага яқин дозада юборилса, иммунитет ҳосил бўлиши ўрнига инфекцион аллергияни чақириш мумкин. Бу ҳолатдаги инфекцион аллергия, аллергик реакцияларни барча қонуниятларига бўйсунади.
Шунинг учун, аллергик реакцияни интенсивлиги биохимик босқичини индукциясига, антиген-антитело комплексини миқдорий ва сифатий нисбатига, биологик актив моддалар ажралиши ва уларнинг инактивациясига боғлиқ бўлади.
Анафилаксиянинг патогенези
1) Гуморал, 2) Целлюляр, 3) Нерв-рефлектор, 4) Полиэргик, 5) Анафилактоксин, 6) пептон назариялари.
1909-йили Фредбергер “анафилактоксин” назариясини илгари сурди, яъни организмга антигенни ҳал қилувчи дозаси киритилганда, антиген-антитело комплекси ҳосил бўлади ва ўзига комплемент тизимни адсорбциялайди. Натижада, тўқимани шикастлайди ва оралиқ моддалар ҳосил бўлишини таъминлайди. Токсинлар яъни “анафилактоксин” анафилаксия белгиларини келтириб чиқаради. Бу назариядаги зид фикр шуки, комплемент тизимни титрини катталиги билан анафилактик шокни оғирлиги орасида параплелизм йўқ, деб ҳисоблаганлар.