Аммонийли селитра ишлаб-чиқариш

Расм.2. Юқори тоннажли АС–72 М агрегатининг технологик схемаси

1 - аммиак иситкичи 2 - нитрат кислота иситгичи; З - НИФ қурилмаси; 4,5 - донейтрализаторлар; 6 - комбинирланган буғлатиш қурилмаси; 7 - буғ-ҳаво аралашмаси совутгичи; 8, 18 - скрубберлар; 9 - гидрозатвор-донейтрализатор; 10 - суюқланма фильтри; 11 - суюқланма баки; 12 - насос; 13 - марказдан қочма насос; 14 - Аммонийли селитра эритмаси учун бак; 15 – босим (напор) баки; 16 - аккустик гранулятор; 17 - донадорлаш минераси; 19, 22 - вентиляторлар; 20 - лентали транспортер; 21 - қайнаш қатламли совиткич; 23, 24 - ҳаво иситкичи; 25 - ҳаво ҳайдагич.

Донейтрализаторларда аммонийли селитра эритмаси муҳити рН=6 гача нейтралланади. Донейтрализаторни юқори қисмидан газ ҳолидаги аммиак берилади, пастки қисмидан эса гиграскопикликни камайтириш мақсадида магний нитратни 30 – 40% ли эритмаси берилади.

Газ ҳолидаги аммиакни берилишига асосий сабаб шундаки, жараён пайтидаги йўқотилаётган аммиак миқдорини бойитиш, ҳамда эритма таркибидаги эркин кислота билан таъсирлашиб аммонийли селитрасини ҳосил қилишдир. Ҳосил бўлган аммонийли селитра эритмаси комбинирланган буғлатиш қурилмаси (6) га берилади. Бу ердан аммонийли селитра эритмаси (99,7–99,8%) 175⁰С ҳароратда гидрозатвор–донейт-рализатор (9) ва фильтр (10) орқали йиғгич бак (11) га берилади. Буғлатиш қурилмасининг юқориги қисмида буғ-газ аралашмаларини ювиб тозаловчи скруббер (7) жойлашган. Бу ерда ҳаво билан чиқиб кетаётган эритма томчилари тозаланади.
Йиғгич бак (11) дан насос (12) орқали аммонийли селитра эритмаси донадорлаш минорасининг юқори қисмида жойлашган босим баки (15) га берилади (минорани корпуси 2 мм ли пўлат 08Х17Т). Аммонийли селитра эритмаси донадорлаш минораси (17) нинг юқориги қисмида жойлашган учта акустик гранулятор (16) орқали минора кесим юзаси бўйлаб сочиб берилади (минорада жами 6 та аккустик гранулятор бўлиб, шундан 3 таси ёрдамчи гранулятор ҳисобланади). Минорани пастки қисмидан мавҳум қайнаш қатлами (21) дан ҳаво оқими берилади. Селитра суюқланмаси ҳаво билан тўқнашуви натижасида селитра донадор ҳолатда қота бошлайди. У 50 - 55 м баландликдан тушади. Берилаётган ҳавони ҳажми ёзда 500 минг м³/соат, қишда эса 300–400 минг м³/соатни ташкил этади. Минорани пастки қисмидан донадор селитра лентали транспортёр (20) га тушади ва учта секцияли мавҳум қайнаш қатламли аппарат (21) га берилади, доналарнинг ҳарорати ёзда 40 - 50⁰С, қишда эса 20 - 30⁰С гача совитилади.
Миноранинг юқори қисмидан чиқаётган ҳаво скруббер (18) га берилади. У ерда аммонийли селитра чанглардан 20% аммиакли селитра эритмаси билан ювилиб, (19) вентилятор орқали атмосферага чиқариб юборилади. Тайёр маҳсулот лентали транспортёр ёрдамида омборга берилади. У ердан истеoмолчиларга жўнатилади.