Amea folklor institutu

5) V buraxılış (1886) (13).
a) İ.Petrov. «İki svanet nağılı», «Təpəgöz haqqında minqrel rəvayəti» – II şöbə, səh.89-102.
Məqalədə müəllif “Vəzir” və “Üç qardaş” nağıllarını, eləcə də «Təpəgöz haqqında minqrel rəvayətini» oxucuların ixtiyarına verir.
b) S. Streletski. «Nort Aydemirkan haqqında kabardin nəğməsi». – II şöbə, səh.113-118.
Məqalənin müəllifi burada bir növ Azərbaycanın məşhur dastan qəhrəmanı olan Koroğluya bənzər bir xalq qəhrəmanının- Nort Aydemirkanin yadellilərə qarşı mübarizəsindən oxuculara söhbət açır.
c) İ.Stepanov. «Tiflis quberniyasının Axaltsixe şəhərində oyunlar» və Z.Qu­lisov. «Gürcüstanda təsadüf edilən oyunlar».– II şöbə, səh.209-269.
Məqalədə müəlliflər yerli əhali arasında geniş yayılmış müxtəlif oyunlardan və bu oyunların keçirilmə qaydalarından bəhs edirlər.
6) VI buraxılış (1888) (14). Q.Qorbunov. «Stavrapol quberniyası, Novoqri­qoryev qəzasının Qazbulaq kəndində yazılmış tapmaca və nağıllar». II şöbə, səh. 186-225.
Məqalədə Q.Qorbunovun Qazbulaq kəndində kənd camaatından eşitdiyi 29 tapmacanı və 4 nağılı SMOMPK (QƏXTMT) toplusunun oxucularına çatdırmışdır.
7) VII buraxılış (1889) (15). a) Q.Qorbunov. «Stavrapol quberniyasının Novoqriqoryev qəzasında yazılmış nağıllar, rəvayətlər, məsəllər və tapmacalar». II şöbə, səh. 51-63.
Bu məqalədə müəllif Novoqriqoryev qəzasından topladığı 18 rəvayəti, 20 atalar sözü və məsəli, eləcə də 11 tapmacanı çap etdirmişdir.
b) M. Poqosov. «Teymurləng (Cavanşir qəzası ermənilərinin söhbəti əsasında)».
Bu məqalə təpədən-dırnağa erməni ideologiyası ilə silahlanmış və bu ideologiyaya canı və qanı ilə xidmət edən və ”Böyük Ermənistan” azarına tutulmuş bir erməni tərəfindən qələmə alınmışdır. Məqalənin müəllifi M. Poqosov bu yazısında dahi sərkərdə Teymurləngin “erməni olmasını” sübuta yetirməyə çalışır
46 buraxılışın cəmi yeddisindən adlarını çəkdiyimiz bu nümunələrdən göründüyü kimi, SMOMPK məcmuəsində Qafqaz xalqlarının folkloruna aid mətnlər çox geniş yer tutur. Burada çap edilən folklor mətnləri növ və janr baxımından da geniş əhatə dairəsinə malikdir. Buna görə də SMOMPK məcmuəsində xüsusi yeri olan belə zəngin folklor nümunələrinin və xalq deyim örnəklərinin ətraflı, sistemli şəkildə tədqiqi Qafqaz xalqlarının folklorunun, və onlarda gerçəkləşən mənəvi dəyərlərin öyrənilməsi baxımından çox vacibdir.