Amea folklor institutu

1) I buraxılış (1881) (9). P.Zelinski. «Tatar (Azərbaycan – T.O.) atalar sözləri, məsəlləri, tapmaca və qadın adları» – II şöbə, səh.43-62.
P.Zelinski bu məqalədə 150 atalar sözü və 33 adda tapmaca nəşr etdirmişdir. Bu nümunələr həm orijinalda – yəni Azərbaycan dilində, həm də rus dilində verilmişdir.
2) II buraxılış (1882) (10). a) S.Zelinski. «İrəvan quberniyasının Naxçıvan qəzasında yaşayan, İrandan köçürülmüş ermənilərin məişətindən etnoqrafik oçerklər» – II şöbə, səh.1-98.
Bu məqalə erməni ideologiyası ilə silahlanmış və bu ideologiyaya xidmət edən bir rus ziyalısı tərəfindən yəni S.Zelinski tərəfindən qələmə alınmışdır. Ona görə də məqalə «Dünyanın ən qədim mədəni xalqı», Araratın «İnsanın ilk dəfə məskunlaşdığı yer», erməniləri həmişə «Elmə-mədəniyyətə can atan xalq» kimi təsvir edən yalançı epitet və təşbehlərlə zəngindir. Bununla yanaşı, müəllif erməni xalqı üçün xarakterik olan bir sıra xüsusiyyətləri açıqlayır. S.Zelinski göstərir ki, biclik, yaltaqlıq, quyruqbulamaq, paxıllıq, başqa xalqlara inanmamaq və özlərini onlardan üstün hesab etmək kimi qeyri-insani xüsusiyytələr ermənilərin təbiətindən gəlir. Müəllifə qeyd edir ki, bütün bunlara görə dünyanın heç bir xalqı onlara etibar etmir və inanmır.
b) K.Nikitin. «Naxçıvan qəzasında xalq rəvayətləri»– II şöbə, səh.107-120.
Məqalədə Naxçıvan şəhər məktəbində müəllim işləyən K.Nikitin 1 əfsanə və 2 rəvayəti oxuculara təqdim edir: “İlan dağı haqqında əfsanə”, “Əsəb-Qaf dağı haqqında rəvayət”, “Xəsis Qara çörək və Yezid təpəsi haqqında rəvayət”. Məcmuədə çap edilən bu folklor nümunələrinin mətnləri rus dilindədir.
c)A.Barsov. «Dağıstan nağılları. Dağıstanın bəzi yerləri haqqında rəvayətlər» – II şöbə, səh.121-140.
Burada müəllif Dağıstanın müxtəlif yaşayış məntəqələrini gəzərək qələmə aldıgı 4 nağılı- “Aslan xan və Batır xan”, “Bulat”, “Çopur”, “12 oğul” nağıllarını rus dilində məcmuədə nəşr etdirmişdir. A.Barsov həmçinin bu yazıda 4 yaşayış məntəqəsi haqqında xalq arasıda geniş yayılmış etimoloji rəvayətləri oxuculara təqdim edir.