Амалий дастурлар пакети ва уларнинг касбий соҳаларда қўлланилиши

Хотирадаги ҳужжатни ўқиш. Хотирада сақланган ҳужжатни экранга чиқариш учун File (файл) менюсининг Open (Открўть-очиш) буйруғидан фойдаланамиз. File (файл) менюсининг Recent Publications (Последние публикации-охирги нашрлар) буйруғи ёрдамида хотирадаги охирги 8та нашрдан бирортасини очишимиз мумкин. Ҳужжат билан ишлашни тугатгандан сўнг уни ёпиш учун File менюсининг Close (Закрўть-ёпиш) буйруғидан фойдаланамиз.
Ҳужжат бўйлаб сурилиш. Page Maker программасида ҳужжат саҳифалари бўйлаб сурилишнинг уч хил усули бор. Керакли саҳифа номерини кўрсатиб ўтиш учун Goto Page (Саҳифага ўтиш) буйруғидан фойдаланамиз. Экранда пайдо бўлган мулоқот ойнасида керакли саҳифа номери киритилади. Шаблон-саҳифага ўтиш учун эса Layout (макет) менюсининг Goto Page (Саҳифага ўтиш) буйруғини танлаш ёки Ctrl-/ клавишларини босиш мумкин. Ҳужжат саҳифаларини кетма-кет кўриш учун Goto Page (Саҳифага ўтиш) буйруғини танлаш вақтида Shift тугмасини босиб туриш керак. Page Maker кетма-кет 1-саҳифадан бошлаб ҳужжат саҳифаларини кўрсата бошлайди. Кўрсатишни тўхтатиш учун сичқонча тугмасини босиш кифоя.
Кейинги саҳифага ўтишнинг энг содда усули F12 тугмасини босишдир. F11 босилса, битта аввалги саҳифага қайтамиз. Агар кўпроқ сичқончани ишлатиш маъқул кўрилса, ҳужжат саҳифалари бўйлаб сурилишнинг яна бир усули бор. Ҳужжат ойнасининг чап томондаги қуйи бурчагида саҳифа кўринишидаги пиктограммалар жойлашган. Чап томондаги пиктограммалар шаблон-саҳифаларга мос келади. Ўнгроқдаги пиктограммалар эса ҳужжат саҳифаларига мос келади.
Саҳифани акслантириш масштабини ўзгартириш.


Ҳужжат саҳифаларини билдирувчи пиктограммалар
Компьютер экранида саҳифа кўринишини катталаштириш учун меню буйруқларидан, клавиатурадан ва сичқончадан фойдаланиш мумкин.
Менюнинг Layout (макет) пунктидаги View (кўриш) пунктининг қисм менюсини очилади ва керакли ўлчовни танланади. Агар танлаш вақтида Alt тугмасини босиб турилса, танланган масштаб ўлчови ҳужжатнинг ҳамма саҳифалари учун ўринли бўлади. Масштабни ўзгартиришнинг энг қулай усулларидан бири сичқонча ёрдамида ўзгартиришдир. Сичқонча ўнг тугмаси бир марта босилса, саҳифа табиий кўринишда (100%) аксланади (в натуральную величину). Агар Shift билан бирга ўнг тугма босилса, 200% ли акслантириш ўрнатилади. Агар экранда катталаштирилган режим ўрнатилган бўлса, ўнг тугмани босиб Fil in Window (тўлиқ саҳифа) режимига ўтилади. Агар Ctrl-пробел тугмалари биргаликда босилса, сичқонча кўрсаткичи ўртасида «-» белгили лупа кўринишини олади. Лупали кўрсаткич билан сичқонча тугмаси ҳар гал босилганда акслантириш масштаби катталашаверади. Кичиклаштириб кўрсатиш учун эса Alt-Ctrl-пробел тугмалари биргаликда босилади. Бу ҳолда сичқонча кўрсаткичи «-» белгили лупа кўринишига ўтади.
Саҳифанинг қандайдир бир бўлагини катталаштириш учун уни катталаштириш рамкасига жойлаштириш керак. Бунинг учун сичқончанинг «-» ли лупа кўрсаткичини ажратиладиган текст қисмида диагонал бўйича йўналтириш керак. Сичқонча тугмасини қўйиб юборсак, рамка ичидаги текст катталашади. Шу усулда 800% гача катталаштириш мумкин.
Асбоблар панелидаги «Лупа» дан ҳам фойдаланиш мумкин. «Лупа» да сичқонча тугмаси икки марта босилса, саҳифани 100% ли масштабда акслантириш режими ўрнатилади. Агар шу вақтда Alt тугмасини босиб турсак Fit in Window (Тўлиқ саҳифа) кўринишида акслантириш режими ўрнатилади.