Амалий дастурлар пакети ва уларнинг касбий соҳаларда қўлланилиши

PAGE MAKER программасини ишга тушириш

Бунинг учун WINDOWS системасида иш столида сичқонча ёрдамида Пуск тугмасига босилади, программалар рўйҳатидан Adobe бўлимига тегишли Page Maker номи танланади.

Page Maker программасини асосий меню орқали ишга тушириш.
Page Maker (PM) программаси ишга тушгач, янги ҳужжат тайёрлашга киришамиз. Бунинг учун File (файл) менюсини очиб, ундаги New (Новўй -янги) буйруғини танлаймиз. Экранда Document Setup (ҳужжат параметрлари) мулоқот ойнаси пайдо бўлади.

«Ҳужжат параметрлари» мулоқот ойнаси.
Бу ойна элементлари ёрдамида ҳужжат саҳифаларининг сони, ўлчамининг қийматлари киритилади. Target Printer resolution (Разрешение - босиб чиқарувчи қурилма қобилияти) параметри ёрдамида босиб чиқарувчи қурилманинг турига қараб, керакли қиймат ўрнатилади: агар бу иш суратли териш автоматида бажарилса, қиймати 2450 бўлиши мумкин, агар лазерли принтер бўлса, қиймати 300 ёки 600 бўлиши мумкин. Босиб чиқарувчи қурилма турини нашр қилинадиган саҳифани тайёрлашдан олдин аниқлаш мақсадга мувофиқдир. Бу ишни Doсument Setup(Параметрў документа-Ҳужжат параметрлари) мулоқот ойнасидаги Compose to printer (принтер учун тайёрлаш) рўйхати ёрдамида бажарамиз. Айрим ҳолларда бундай қурилма лазерли принтер бўлиши мумкин. Лекин кўп ҳолларда юқори сифатли сурат терувчи автоматдан фойдаланилади. Босиб чиқарувчи қурилмани олдиндан аниқлаш РМ программаси учун керакли шрифт гарнитуралари ва ранглар ҳақида маълумот беради. Агар қурилма тури иш давомида ўзгартирилса, наш қилинаётган саҳифанинг умумий кўриниши ўзгариб кетиши мумкин. Мулоқот ойнасида ҳамма параметрларни ўрнатиб бўлгач OK тугмасида сичқонча тугмасини битта босилади. Экранда тоза саҳифа кўриниши пайдо бўлади.

Янги ҳужжатнинг тоза саҳифаси.
Саҳифага керакли маълумотлар ёзилганидан сўнг, уни хотирада сақлаш керак. Бунинг учун File менюсининг Save (Сохранить-сақлаш) ёки Save as (Сохранить как...-қайси кўринишда сақлаш...) буйруғини танланади, ёки Ctrl-S тугмаларини босилади. Янги ҳужжатни сақланмоқчи бўлинса экранда мулоқот ойнаси очилади. Ҳужжат сақланадиган файл номини киритиб, мулоқот ойнасини ёпиш мумкин. Агар ҳужжатнинг муқобил(альтернатив) вариантини бошқа ном билан сақланмоқчи бўлса, Save as (Сохранить как...-қайси кўринишда сақлаш...) буйруғини танлаш керак.