Амалий дастурлар пакети ва уларнинг касбий соҳаларда қўлланилиши

Луғатларни тўлдириш ва созлаш.Promt программаси таркибига киритилган луғатлар анча бой эканлигига қарамай, ҳужжатларда учровчи ҳамма сўзлар киритилганлигини кафолатлаб бўлмайди. Нотаниш сўзларни программа қизил рангда ажратиб кўрсатади.
Лекин ҳамма нотаниш сўзлар ҳам луғатга киравермайди. Улар орасида банд қилиш лозим бўлган сўзлар ҳам учраши мумкин. Шунингдек бу сўзлар тўғри ёзилганлигини текшириб кўриш керак. Агар луғат ҳақиқатан ҳам тўлиқ бўлмаса, унда сўзни истеъмол луғатига қўшиш мумкин.
Луғатни малакали тарзда тўлдириш жуда муҳим ва масъ-улиятли тадбир. Луғатнинг ҳаддан зиёд зичлиги таржима сифатини пасайтириши мумкин. Шунингдек бир сўз турлича маъно кўринишларига эга бўлиши мумкинлигини ҳам назарда тутиш керак.
Promt программаси сўзни луғатга қўшишда икки: бошланғич ва мутахассис режимини кўзда тутади. Биринчи режимда сўзнинг етишмайдиган ҳамма грамматик шакллари автоматик тарзда қўшилади, лекин улар доим ҳам тўғри бўлавермайди. Иккинчи режимда фойдаланувчининг ўзи ҳамма грамматик шаклларни беради, лекин бу иккала тил грамматикасини яхши билишни талаб этади.
Мутахассис режимида сўзларни қўшиш қуйидаги тартибда рўй беради:
1. Перевод / Словарная статья (таржима / луғат банди) буйруғини бериш - унда Словарную статью (луғат бандини очиш) мулоқот ойнаси очилади.
2. Бу мулоқот ойнасида сўз шаклини андозага ўзгартириш (отни бош келишикда, феълни ноаниқлик шаклида ва ҳ.к.) керак. Унда луғат банди мулоқот ойнаси очилади.
3. Нутқнинг керакли қисмига мос келувчи қўшимча варақа танланиб, агар керакли сўз луғатларнинг биронтасига кирмаса, Добавить (қўшиш) банди ёки таржиманинг ўзгартирилиши зарур бўлса, Правка (тузатиш) банди босилади.
4. Кейинги мулоқот туйнуклари сўз ўзгаришининг хилини аниқлаш, шунингдек ушбу сўзнинг бошқа шаклларда тўғри ёзилишини кўрсатишга имкон беради.
5. Охирги мулоқот ойнаси бошланғич тилдаги сўзнинг турли шаклларини ва таржиманинг программага киритилган вариантини ушбу шаклларнинг қайси бирига ишлатиш кераклигини аниқлайди.
6. Promt программаси феъл ва от сўз туркумлари учун сўзларнинг бир-бири билан мос келишини аниқлайдиган қўшимча ахборот беришга имкон беради. Феъл ҳолатида бундай мақсад учун Управление (бошқарув) банди хизмат қилади. У, масалан, берилган феълнинг қўшимча билан боғла-ниш усули: қандай кўмакчи зарур, қўшимча қандай келишикда бўлиши керак ва ҳ.к.ларни кўрсатиш имконини беради.