Al bukhari university asadbek Axmedov

VIZUAL IFODALASHVizual ifodalash domenida, oʻquvchilar turli koʻrgazmali material va jarayonlar orqali oʻz gʻoya va kechinmalarini ifodalaydilar (Irish National Teacher Association (INTO), 2009 [109]). Vizual ifodani tayyorlash oʻquvchilarga ham ochiq, ham yashirin mazmunga ega rasmlarni tahlil

etishga, umuman olganda, maʼlumot, kommunikatsiya va dizayn qanday ishlashini yaxshiroq anglashga yordam beradi. Kreativ vizual ifodalashning soʻnggi yillarda ahamiyati oshmoqda: raqamli rasm va dizayn dasturlarining koʻpayib ketishi natijasida, bir kuni deyarli barcha insonlar yo oʻzlariga, yoxud atrofdagilarga taʼsir qiladigan vizual kommunikatsiya bilan shugʻullanadilar (masalan, ishga kirish uchun yuborayotgan rezyumening vizual koʻrkamligining ahamiyati haqida oʻylab koʻring).
Vizual ifodalash domeni uchun tuzilgan test savollari oʻquvchilardan quyidagilarni talab etadi: dijital chizish vositasi orqali ochiq turdagi vizual dizayn vazifasini bajarish; taklif etilgan ssenariy asosida vizual dizayn gʻoyasini berish (masalan, muayyan detalni qoʻshish haqida va hokazo); vazifada keltirilgan koʻrgazma shaklini takomillashtirish gʻoyasini berish.
IJTIMOIY MUAMMONI HAL QILISH
Kundalik hayotda oʻquvchilar turli oʻzaro munosabatlaridagi va jamiyatdagi muammolarni yechishda kreativ fikrlashdan foydalanadilar. Ushbu kontekstda kreativ fikrlash muammoning nafaqat texnik jihatini, balki ijtimoiy jihatini, yaʼni boshqalarning ehtiyoj va nuqtayi nazarini hisob- ga olgan holda, shaxslararo, jamiyatdagi va dunyodagi global muammolarni yechishdan iborat. Ushbu domendagi kreativ fikrlash oʻquvchining boshqalarga hamdard boʻlish hamda muayyan guruh ehtiyojlarini anglash, bogʻliqliklarni aniqlash va emotsional qiymatga ega gʻoyalarni berish hamda innovatsion, lekin ayni damda tatbiq etilishi mumkin boʻlgan yechimlarni taklif etish qobiliyatiga bogʻliqdir (Brown va Wyatt, 2010 [110]).Ijtimoiy muammoni hal qilish domenidagi test savollar oʻquvchidan quyidagi vazifalarni bajarishni talab etadi: yakka tartibda yoki ehtimoliy guruh ssenariysida ijimoiy ahamiyatga ega ochiq muammoni yechish vazifasini bajarish; berilgan ssenariy asosida ijtimoiy muammolarga yechim topish; tayyor yechimni yanada takomillashtirish.