«актуальные вопросы развития социального сектора экономики: отечественный и зарубежный опыт»

 
 
 
 
 

---

 
INTERNATIONAL SCIENTIFIC-PRACTICAL CONFERENCE 
«ACTUAL ISSUES OF THE DEVELOPMENT OF THE SOCIAL SECTOR OF THE 
ECONOMY: DOMESTIC AND FOREIGN EXPERIENCE» 
ANDIJAN, UZBEKISTAN, MAY 2020
290 
«Иқтисодиётнинг ижтимоий секторини ривожлантиришнинг долзарб масалалари: миллий ва хорижий тажриба» 
«Актуальные вопросы развития социального сектора экономики: отечественный и зарубежный опыт» 
 
САНОАТДА ИШЛАБ ЧИҚАРИШ САЛОҲИЯТИ ВА УНДАН 
САМАРАЛИ ФОЙДАЛАНИШ ШАРТЛАРИ 
 
Ахунова Шохистахон Номанжановна 
Фарғона политехника институти доценти, и.ф.н. 
 
Аннотация: Мақолада саноатда ишлаб чиқариш салоҳияти ва ундан 
самарали фойдаланиш шартлари юзасидан илмий назарий қарашлар ҳамда 
таклифлар ишлаб чиқилган. Шунингдек, саноатда ишлаб чиқариш салоҳияти 
бўйича МДХ олимларининг фикр мулоҳазалари ўрганилган. 
Калит сўзлар: салоҳият, иқтисодий салоҳият, ҳудудий салоҳият, саноат 
салоҳиятини баҳолаш 
 
“Салоҳият” тушунчаси лотин тилидан кириб келган бўлиб, “potentia” - куч 
деган маънони англатади [3]. Бироқ, мазкур тушунчанинг ягона умумқабул 
қилинган таърифи мавжуд эмас. “Салоҳият” тушунчаси барча мумкин бўлган 
имкониятлар даражасининг жамланмасини ўзида ифода этади ва турли 
тушунчаларга нисбатан турлича “салоҳият” сўзи қўлланилади. Масалан, 
иқтисодий салоҳият, табиий хом-ашё салоҳияти, инновация салоҳияти, 
инвестиция салоҳияти, экспорт салоҳияти, ҳудудий салоҳият, саноат салоҳияти, 
ишлаб чиқариш салоҳияти ва ҳоказо. Қуйида салоҳият тушунчаси билан боғлиқ 
бўлган айрим фикр ва мулоҳазалар баён этилади. 
“Иқтисодий салоҳият” - жамиятни моддий ва инсон ресурслари билан 
таъминланганлик даражасини, улардан фойдаланиш бўйича имкониятларнинг 
ҳали мавжудлигини англатади ҳамда ана шу имкониятлар миқиёси билан 
баҳоланади [4]. А.О.Ларионов тадқиқотларида иқтисодий салоҳият ва унинг 
таркибий тузилиши қуйидагича белгиланади (1-расм). 

---