Agrobiznesda innovatsion faoliyat

14.1-rasm. O‘zbekiston Respublikasida yetishtirilayotgan qishloq xo‘jalik mahsulotlarining taqsimlanishi va sotilishi.

Chizmadan ko‘rinib turibdiki, qishloq xo‘jalik korxonalari, avvalo, yetishtirgan paxta, don mahsulotlarining davlat buyurtmasida ko‘rsatilgan miqdorini «O‘zpaxtasanoatsotish» uyushmasi hamda «O‘zdonmahsulot» kompaniyasining joylardagi korxonalari bilan tuzilgan shartnomalar asosida sotadilar. Bu turdagi mahsulotlarning davlat buyurmalaridan ortiqcha qismi erkin savdoda shartnomalar asosida qishloq xo‘jalik mahsulotlarini qayta ishlovchi korxonalarga sotiladi. Shu o‘rinda ta'kidlash kerakki, bozor iqtisodi sharoitida korxonalarga yetishtirgan mahsulotlarini erkin sotish imkoniyatlari to‘liq borilishi zarur. Shuning uchun davlat buyurtmalari o‘rniga iqtisodiy jihatdan rivojlangan demokratik davlatlardagidek mahsulotlarni erkin sotib olish bo‘yicha davlat dasturini ishlab chiqish lozim. Shu orqali davlatning iqtisodiyotni erkinlashtirish siyosati amalga oshirilishi uchun to‘liq imkoniyat yaratiladi. Bunda korxonalar o‘z ishlab chiqarishini kengaytirilgan takror ishlab chiqarish asosida rivojlantirish uchun zarur mahsulotlarni ichki talablarni qondiradigan miqdorda ajratishlari lozim. Buning uchun ham ichki shartnomalar tuzish kerak. Ularda xo‘jalik ichidagi munosabatlarni amalga oshirish tartibi to‘liq ko‘rsatilishi zarur.

Nazorat va muhokama uchun savollar:
1.Qishloq xo‘jaligi mahsulotlarini sotish tizimi qanday xususiyatlarga ega?
2.Qishloq xo‘jaligi mahsulotlarni tayyorlash va sotish tizimini qanday yo‘llar bilan takomillashtirish mumkin?
3.Davlat ehtiyojlari uchun yetishtirilayotgan qishloq xo‘jaligi mahsulotlarini sotish tizimi qanday shakllangan?
4.Qishloq xo‘jaligi mahsulotlarini erkin sotish tizimining afzalliklari nimalardan iborat?
5.Agrobiznesda ichki bozorda mahsulotlarni sotishda innovatsion faoliyatni tashkil etish yo‘nalishlari?
6.Qishloq xo‘jalik mahsulotlarini birja savdosini tashkil etish yo‘llari?
7.Qishloq ho‘jalik mahsulotlarini sotish bo‘yicha o‘zaro innovatsion kooperatsiya munosabatlarini shakllantirish ikoniyatlari?
8.Mahsulotlarni eksport qilishda innovatsion faoliyat samaradorligi?