Agrobiocenoz diyqanshiliqta ju'zege keletug'in biocenoz

9. Mikroelementlerdin’ g’awasha zu’ra’a’tine ta’siri, c.ga. (B.Al`janov, 1993)

q/s	Mineral to’ginler ha’m mikroelementler	Zu’ra’a’tlilik	Qosımsha o’nim
1	N 250, P 175, K 50 kg/ga N 250, P 175, K50+cink 1 kg/ga N 250, P 175, K50+cink 2 kg/ga N 250, P 175, K50+mıs 1 kg/ga N 250, P 175, K50+mıs 2 kg/ga	35,4 39,2 39,1 38,6 38,2	00 3,8 3,7 3,2 2,8

 

Topıraqta marganec jetispewshiligi bolsa, o’simlikte xloroz ha’m nekroz keselligi payda boladı.

Mineral to’gin quramında bir yamasa eki-u’sh qıylı element ushırasa, organikalıq to’ginnin’ quramında o’simliktin’ azıqlanıwı ushın za’ru’r bolg’an ba’rshe elementler boladı.      

Jerge to’gin qollanılg’anda makroelement menen bir qatarda mikroelementler de tu’sedi. To’ginnin’ eginler o’nimdarlıg’ına ta’siri onı qollaw mug’darına, mu’ddetine, teren’ligine ha’m basqalarg’a baylanıslı. To’gin salıng’annan keyin 2-3 jılları da ta’sirin saqlaydı.

Jerge mineral ha’m organikalıq to’ginlerdi qollanıw, joqarı kislotalı topıraqlarg’a ha’k salıw, siltili topıraqlarg’a gips salıw, almaslap egiwdi engiziw, aralıq eginlerden paydalanıw, sideratlardı qollanıw, tuwrı ha’m sapalı islewlerdi a’melge asırıw, topıraq strukturasın jaqsılaw, paydalı mikroorganizmlerdin’ aktivligi ushın  qolay jag’daylar jaratıw ha’m basqa ilajlar topıraqtın’ azıq rejimin jaqsılawda tiykarg’ı rol` oynaydı. Mexanikalıq quramı jen’il, azıq zatları kemirek jerlerdegi eginlerdin’ mineral to’ginlerge talapshan’lıg’ı u’lken. Bunday jerlerge mineral to’ginler menen azıqlandırıw da’wirinde az mug’darda bo’lip-bo’lip beriw ha’m suw menen juwılıwg’a imkaniyat bermew olardın’ na’tiyjeliligin asıradı.

Shorlang’an topıraq jag’dayında topıraqta qalg’an mineral to’g’inler shayıp suwg’arıw da’wirinde to’mengi qatlamlarg’a juwılıp ketedi. Sonın’ ushın o’simliktin’ o’siwi ha’m rawajlanıwı da’wirinde onnan maksimal paydalanıwg’a jag’day jaratıw kerek.

Sorawlar

1. Topıraqtın’ azıq rejimine organikalıq zat ha’m   mikroorganizmlerdin’ ta’siri ?

2. Topıraqtın’ azıq rejimin basqarıw ilajları ?

3. Azıq rejiminde organikalıq to’ginnin’ a’hmiyeti ?

4. Jergilikli to’ginnin’ a’hmiyetin qalay tu’sinesiz ?

5. O’simliklerdin’ azıqlanıw tu’rleri ?

6. Qaysı o’simlikler azot toplaydı ?

7. Ammonifikaciya degen ne ?

8. Nitrifikaciya ha’m denitrifikaciya degen ne ?

9. O’simlik mineral to’ginlerdi tolıq paydalana alama ?