Adabiyot 10 oxirgi 2-qism indd

?
Fedra, 
Kleopatra, 
Moina – 
spektakllardagi 
obrazlar nazarda 
tutilmoqda
Didlo 
– Sankt-
Peterburgdagi 
taniqli 
baletmeyster
O‘sha paytda 
Rossiya 
teatrlarida 
garderob 
bo‘lmagani 
uchun ustki 
kiyimlarga 
qarollar qarab 
turgan. 

---

65
XXVII
Biroq mavzu boshqadir endi, 
Hozir balga shoshganimiz soz.
Karetani kiralab yeldi 
O‘sha yoqqa Onegin shovvoz.
Tiyra uylar yonidan bot-bot 
Qator, mudroq ko‘chalarga shod 
Sho‘x nur sochib qo‘sh fonuslari 
Aravalar o‘tar, tuslanib, 
Qor ustida kamalak chizar.
Tegrasida g‘ujg‘on chiroqlar – 
Zo‘r, muhtasham bir uy charaqlar; 
Choʻng oynada ko‘lkalar kezar: 
Ular xonim hamda na’maboz
Tentaklarning shaklidir, xolos.
XXXV
Xo‘sh, Onegin qalay? U tamom 
Mudrab, baldan yotoqqa yelgan.
Nog‘oralar bu payt beorom 
Peterburgni uyg‘otib bo‘lgan.
Hammol borar, savdogar turar, 
Kirakashlar qamchini urar, 
Xurma olib kelar sutfurush, 
Poyida qor g‘irchillar – kumush.
Tong g‘ovuri uyg‘onar ajib.
Derazalar ochiqdir; tutun 
O‘rlar go‘yo moviy bir ustun.
Nemis nonvoy darchasin ochib, 
Ko‘pdan, qog‘oz qalpog‘i boshda, 
Non sotadi juda sarishta.
Sankt-Peterburg. XIX asr

---

66
XXXVI
Bal shovqini horitib biroq, 
Subhidamni aylab yarim kech, 
Sho‘xlik, hasham bandasi bu chog‘ 
Uxlar orom og‘ushida tinch.
Uyg‘onadi choshgohda alhol, 
Tongga qadar yana shu ahvol – 
Umr kechar rangin, bir izda, 
O‘tgan kunga bu kun egizday.
Eng gullagan chog‘lari lekin 
Zo‘r zafarlar ziyosi aro, 
Kunlarning aysh, safosi aro 
Baxtlimidi erkin Onegin?
Bazm-u ziyofatlarda butkul 
Sog‘lommidi, beg‘ammidi ul?
Oneginning turmush tarzi haqida ni-
malarni bilib oldingiz? Uning kunlari 
qanday o‘tardi?
XXXVII
Yo‘q, hislari sovudi erta; 
Ezdi kibor hayot suroni.
Jononalar oz fursat, o‘rtab, 
Xayolining bo‘ldi mehmoni.
Xiyonatlar bevaqt toldirdi, 
Do‘stlik, do‘stlar koʻngliga urdi.
Keyin, har kun osonmas iyib, 
“Beef-steaks”-u
somsaga to‘yib, 
Soʻng shampanga qonmoq 
shundaqa,
Bosh beomon og‘rigan kezlar 
Socholmaydi u tig‘dor so‘zlar.
Bo‘lsa hamki olov, shumtaka, 
Qiziqtirmay qo‘ydi oxir hech 
Jang-u jadal, nayza-yu qilich.
XXXVIII
Kelmishdir u mubtalo bo‘lgan 
Dard sababin aniqlash oni: 
Misli ingliz g‘ashligi olgan, 
Alqissaki, rus xafaqoni 
Asta-sekin chulg‘amish uni.
Yo‘q, xudoga shukr, o‘zini 
Nogoh otib qo‘ygani yo‘q ul, 
Lek yashashdan sovidi butkul.
G‘amgin, Child Harolddek, siniq
Dargohlarda ko‘rinar yana.
Na g‘iybat-u, na qarta va na 
Xumor ko‘z, na oshkor xo‘rsiniq 
Etar edi koʻngliga ta’sir; 
Hech narsani xushlamas taqir.
LI
Tayyor edi men-la Onegin 
O‘zga diyorlarni ko‘rmoqqa.
Tezda taqdir bizni va lekin 
Uzoq zamon qo‘ydi fi roqqa.
U chog‘ vafot qildi otasi.
Qarzchilarning ochko‘z to‘dasi 
Yevgeniyni o‘radi darhol, 
Har birida o‘zga arzi hol.
Da’volardan hazar qilgancha 
O‘z chekidan bo‘ldi-yu rozi 
Qarzlariga ketdi merosi, 
U ziyon ham ko‘rmadi uncha.
Amakisi o‘lishin yo u 
Bildimikin oldindan, yohu!