Adabiyot 10 oxirgi 2-qism indd

YEVGENIY ONEGIN
(she’riy romandan parchalar)
BIRINCHI FASL
Ham yashashga oshiqar, 
ham shoshar his etmakka.
Kn. Vyazemskiy
I
“Tartibparast, pokdil amakim
Chin dardgaki duchor o‘lmishlar,
Avlo tadbir topmay, qarangkim,
Izzattalab bo‘lib qolmishlar!
Yo‘riqlari – o‘zgaga ibrat;
Axir, tangrim, bu nechuk kulfat,
Jilmay bemor yonidan hech ham,
Qarab yotmoq kunduz ham, kech ham!
Nechog‘ tuban nayrang, yoronlar,
Tirikmurda koʻnglin ko‘tarmoq,
Yostiqlarin tuzatib turmoq,
Ma’yus eltmoq dori-darmonlar;
Xo‘rsinmog‘-u, aytmoq besado:
Qachon seni ko‘targay xudo!”
Kasal amakisi oldiga cha-
qi 
rilgan Oneginning o‘y- 
xayollariga e’tibor bering. 
Onegin sizda qanday taas-
surot qoldirdi?
?

---

60
II
Quv yigitcha o‘ylardi shunday
“Pochtovoy”da dala-qir osha;
Qodir Zevs xohish-hukmi shay:
Bor xeshlarin vorisi – o‘sha.
Ey Lyudmila bilan Ruslanning
Do‘st-yorlari! Shu zum dostonning
Qahramonin muqaddimasiz
Tanishtiray, ruxsat bering siz:
Onegin bu – qalin bir oshnam,
Unga Neva bo‘ylari – zodgoh,
Balkim, unda tug‘ilgansiz, yo
Nash’-u namo topgansiz siz ham!
Sayr etganman men ham bir zamon,
Ammo shimol – men uchun ziyon. 
III
Xizmat etib mardona, tugal,
Qarzlar bilan otasi yashab,
Yilda bazm tuzardi uch gal,
Xonumonsiz qoldi soʻng, ajab,
Yevgeniyni asradi qismat,
Avval 
Madame
etdi tarbiyat,
Soʻngra 
Monsieur
almashdi o‘rin;
Bola sho‘xroq edi-yu, shirin.
Monsieur – asli g‘arib bir farang,
Qiynalmasin deya yosh bola,
Saboq berdi hazillar ila,
Nasihat-la qilmadi garang.
Shumlik qilsa, koyir muloyim,
Yozgi bog‘da o‘ynatar doim.