Adabiyot 10 oxirgi 2-qism indd

?

---

68
IKKINCHI FASL
Onegin qishloqda Germaniyada o‘qib kelgan shoir yigit Vladimir 
Lenskiy bilan do‘stlashadi.
XII
Lenskiy xo‘b xushfe’l, badavlat; 
Bir kuyovdek olinar peshvoz; 
Qishloq joyda shu asli odat...
Hamma ham o‘z qizini bexos 
Mo‘ljallaydi shu chala rusga... 
XIII
Nikoh nomli kishanga biroq 
Lenskiyda yo‘q edi havas.
U Onegin bilan sobitroq 
Do‘st tutinsam derdi beg‘araz.
Topishdilar. To‘lqin bilan tosh, 
She’r va nasr, muz bilan otash 
Bularchalik bo‘lmas xilma-xil.
Bir-biriga qarshi ikki dil 
Aro avval bo‘ldi sovuqlik; 
Keyin har kun uchrashdilar, bas, 
Do‘st bo‘ldilar sira ajralmas, 
Asta paydo bo‘lgach yovuqlik.
O‘zim shohid, odamlar mutlaq 
Bekorlikdan do‘stlashur shundoq.
“She’r va nasr, muz bi-
lan otash” singari har xil 
bo‘lgan Onegin va Lenskiy-
ning do‘stlashishini qanday 
izohlaysiz? 
?

---

69
XXV
Demak, uning ismi Tatyana.
Singlisidek u xushro‘y emas, 
Yonoqlari ol emas yana, 
Ko‘zlarni ko‘p hayron aylamas.
Bir yovvoyi, indamas, g‘amlig‘, 
Hurkak, o‘rmon ohusi yanglig‘.
O‘z uyida go‘yo Tatyana 
O‘gay edi, edi begona.
Erkalana bilar qizaloq 
Na ota, na onaizorga; 
Bola bo‘lib bola qatorga 
Kirmas, chopmas, o‘ynamas quvnoq.
Derazaning yonida yolg‘iz 
Xomushgina o‘ltirardi qiz.
XXIX
Yoshligidan qizni romanlar
O‘z domiga tortdi-yu rosa,
Maftun etdi uni yolg‘onlar,
Goh Richardson, gohida Russo.
Qiz otasi – sofdil bir inson,
Yashar o‘tgan asrda hamon.
Yo‘q deb o‘ylar kitobdan ziyon,
O‘qimasdan o‘zi hech qachon,
O‘yinchoq deb bilar kitobni.
Qiz yostig‘i ostida kecha
Qaysi asar nihon tonggacha –
O‘ylamasdi sira bu bobni.
Soʻng xotini tag‘in netardi –
Richardson deb esi ketardi.
Bu faslda muallif bizni 
Lenskiyning qallig‘i Olga 
Larinaning opasi – Tatyana 
bilan tanishtiradi.