Abbatisa – ayollar katolik monastirlarining boshqaruvchilari. Abbatlik

Infanteriya – Fransiyada Karl VII (1422-1466) davrida qirol qoʻshinidagi piyoda lashkarlar qismi.
Infanson(es) – oʻrta asrlarda Aragonda yirik yer va katta mol-mulkka ega boʻlmagan dvoryanlarning oʻrta tabaqasi. Imtiyozli maqomini meros tarzda olishgan. Rekonkista davrida aksariyat I.lar otliq askarlar boʻlgan.
Infant – Ispaniya va Portugaliyada qirollar farzandlari, shuningdek qirollik xonadonining yaqin qarindoshlari (aka-ukalar, opa-singillar va ularning farzandlari).
Infeodasiya – yer-mulklarni feod yer fef shaklida taqsimlab berish. Vassalga fef ajratib berish – bu vassallik-qaramlik munosabatlari mustahkamligining eng muhim elementi hisoblanadi. Fef taqsimlab berish investitura mazmunida oʻziga xos rasmiy marosim tarzda amalga oshirilgan. Feflar boʻlib berish (XIII asrgacha) kamdan-kam hollardagina rasmiy qaydlarda aks etgan. Oʻrta asrlar sharoitida yozma hujjatlar oʻrniga koʻpincha diniy qasam yoki soʻz berish ustunlik qilgan. Ommaj va fef berish ritsarlarni vassallik tizimiga kirganligini anglatgan. Dastlab feflarga egalik umrbodlik xususiyatida boʻlgan: u tomonlar birining (senor yoki vassal) vafoti bilan egalik amalda barham topgan. Keyinchalik bu tartib yoʻqolib, feflar merosiy koʻrinishni kasb eta boshlaydi. Ammo bu holatda ham agar vassal oʻz senoriga sotqinlik qilsa, bu mulk tortib olinishi holatlari kuzatilgan.
Inisial (lot.initium – boshi, ibtidosi) – matn boshidagi yoki oʻrta asr qoʻlyozma kitoblaridagi boblarning birinchi, bosh harfi. Birinchi marta antik davrning oxirlaridagi qoʻlyozmalarda qoʻllanilgan. I. yirik hajmda yozilgan boʻlib, koʻpincha geometrik, zoomorfli, oʻsimliksimon elementlar yoki rasmli figuralar bilan bezatilgan. I. unchalik katta boʻlmagan illyustratsiya foni ichiga yoki harflar ichiga joylashtirilgan. Dastlabki bosma kitoblarda ham I.lar sarlavhaning bosh harfi sifatida qoʻllanilgan. XII asrda I.lar qizil, yashil va moviy rangdagi boʻyoqlarda berilgan.
Inkunabula (lot.incunabula – beshik, belanchak) – Yevropada kitob bosish ixtiro qilingandan boshlab to 1500-yilgacha, shu yil ham, nashr etilgan barcha kitoblar. Ma’lumotlarga koʻra, bu davrda 40 mingga yaqin kitoblar nashr qilingan.